香港仔大叔买啤梨嫌唔甜 10日后携梨退货 职员无奈 以这「4字词」教食啤梨｜Juicy叮
香港仔一名大叔买啤梨后嫌唔甜，10日后携梨到生果档退货，认为遇骗。职员无奈以「4字词」教大叔食啤梨的秘诀；同场街坊则在旁非议「摆咁耐拎返嚟换」；网民也大肆调侃「唔甜应该你去揾农夫 」。详情见下图及下文：
香港仔大叔买啤梨唔甜 10日后携梨退货 职员无奈逐张睇↓↓↓↓
楼主：买咗10日先返嚟
楼主本月16日在社交平台Threads上载短片发帖，指「有人话水果唔甜但系买咗10日先返嚟，报警收场」。
片中见到现场为香港仔东胜道人来人往一生果档前，一名戴白色鸭舌帽的大叔携同声称10日前在场购买的一袋啤梨到场，以「唔甜」为理由与职员理论，要求退货。
相关阅读：嗌车仔面外卖猪红无货 尖沙咀小店鱼蛋顶上兼送一礼物致歉 网民赞手写便条够诚意
大叔：你话甜吖嘛
片中，大叔在场投诉货不对办时，提到「你话甜吖嘛」，职员起初表示「唔好理佢，唔好理佢吖，唉」，但大叔继续投诉啤梨事宜，引起街坊留意，查问「哗呀，咩事呀？」。
最终，职员劳气地解释，「熟嘅咩，啤梨呀……啤梨㖞，要吽㗎嘛」；片中有街坊旁白，指「听讲话要报警㖞」；职员续表明「你今日买我俾番你，唔系今日买冇得」；另有职员接力称「你摆咗10日点换俾你呀，你教我吖，点换呀，你边个呀？」。
大叔：即系欺骗我囉
但大叔则坚称「我意思系……若果系咁，你揾我买呀嘛，你咪叫我买㗎嘛，咁咪即系欺骗我囉」。
旁边的街坊也按耐不住，指「唔系欺骗你，你依家有无试过甜唔甜先」；另有街坊也提醒太叔「（啤梨）放耐啲囉」，并指「你摆10日，边个会返嚟换㗎」；更有人称，「摆咁耐拎返嚟换」、「系呀，你影住呢个阿叔啦，摆上网啦」。
网民都聚焦啤梨摆10日才换的重点，留言反问「得㗎咩？」、「10日！？ 屙咗出嚟先知唔甜？」、「摆咗10日都唔甜，即系个生果真系唔掂」；有人笑言，「佢老婆：这老公都老了，现在10年，要退货」。
相关阅读：观塘酒楼冰鲜鱼扮游水海鲜败露 「对比图」疯传曝光死鱼特征 网民惊觉「咁样」呃人唔止一间
网民分享遇西及经历
还有人惊问「水果唔甜都可以报警？」，于是继续调侃，「唔甜落糖吖嘛！」、「唔甜应该你去揾农夫 」、「我上年买咗火龙果，之后屎唔出，我听日都去揾佢算账」。
另有网民分享类似经历，指「以前做超市，有个西客，隔咗一晚，拎张单再加粒核落嚟话个榴梿变坏要换，问佢个榴梿就话掉咗，我唔换，佢就话你打工，换俾我都唔系你蚀，咁小气」。
资料来源：linshao193＠Threads
相关阅读：港妈「拼多多」买生果自提点私讯串爆：「你劲你连西瓜都买」 后续更惹火 网民竟撑店家无讲错↓↓↓↓
今年7月，有元朗港妈在「拼多多」买生果，收到自提点职员私讯她说：「上次已经叫咗你唔好买生果」、「你劲你连西瓜都买到，我做咁多年第一次见」，言论惹火，职员要求事主晚上即时来取货，否则可能要付清洁费，令港妈嬲爆。
不过，网民竟一面倒反撑自提点的职员「无讲错」：「夏天真系搞唔掂，生果劲易烂。」「咁冇办法㖞，天气咁热，佢惊会烂好正常㖞。」涉事自提点位于元朗尚悦．方↓↓↓↓