连锁店月饼出错疑AI覆客火上加油离谱回应「货不对办」投诉苦主嬲爆：令到件事好似好合理咁？！｜Juicy叮

有网民在中秋节前夕，到本港一间连锁蛋糕店拎取早前订购的月饼，食用时发现，两盒月饼分别有一半放错款式，她向店家投诉货不对办，怀疑遇上AI回复，以离谱的超怪回复令楼主更加嬲爆：「当其时真系呆咗……拎错令到件事好似好合理咁？！」

连锁店月饼出错疑AI覆客火上加油离谱回应「货不对办」投诉苦主嬲爆：令到件事好似好合理咁？！↓↓↓↓

有网民在社交平台投诉一间本港连锁蛋糕店出售月饼货不对办，楼主以每盒$258元分别订购两盒「流心坚果礼盒」，每盒分别有4个月饼，当中2个为花生酱款式，另2个为黑芝麻麻糬款式。

楼主到店舖取月饼时发现，「月饼唔系一早已经放喺盒度，系店员喺雪柜拎独立包装放入去的，而包装系冇任何标签」。

楼主无从确认「边款打边款」，加上「个店员好Firm咁讲咗系花生酱同黑芝麻，咁当然系相信啦」，结果回家拆开食用，发现两盒中的黑芝麻麻糬款式，竟全变成伯爵茶款式。

她以Whatsapp即时通知店家，投诉：「你哋个包装乜嘢都，冇月饼味，乜都冇，见你哋同事都系雪柜就咁拎出嚟，要个客食落去先知道系食乜嘢。」

该店竟然回复：「你好，抱歉，我哋下次会改进的。」楼主在帖文中表示见到该回应「疑似AI gen出嚟」：「当其时真系呆咗，其实你嘅嘢已经错咗又点会仲想买第二次？下次会改进又有咩用呢？而家讲紧当下呢件事货不对办。」

楼主唯有继续追问：「当然我有继续要求佢去处理件事，到最后店员叫我去拎返新的两盒。」

楼主对于店家处理事件的手法表示强烈不满：「其实系咪觉得畀过个客就可以当件事冇事？然后用疑似AI gen出嚟嘅答法覆个客就算，店舖同员工嘅训练唔足够，包装竟然冇写系咩味道，拎错令到件事好似好合理咁？！」

楼主其后出帖表示，到该店旺角分店换货时，竟又发现间舖「冇咗」，她打电话去问，原来店舖已搬，她无奈表示：「打去，话IG有讲，大佬，你叫得我拎，好心就提吓个客啦。」楼主截图看到，店家其后有就此致歉：「我哋都系唔好，冇提到你地址。」

网民一面倒批评有关店家处理事件的手法：「冇label系第1个错，员工俾错你仲一口咬定系啱系第2个错，佢唔提你搬咗舖系第3个错，仲要话咁啱你睇唔到，态度直头错上错。」

「无标签得嫁咩，畀咗个错款人哋食物敏感咁点算，同埋啲货摆咗几耐无人知，食物安全咁流嘅，仲要咁串。」

「劲差，是是但但交功课。」「依家系我俾咗钱但得到d，唔系想要嘅嘢。一系换货一系退钱，无第三个option。」「啲月饼咁样label 都唔加张…仲要即时执货，都好信得过员工。」

来源：lamthegi＠Threads

有港人分享老父从内地网购多达17公斤的月饼来港。「淘宝开心share」图片

有网民在社交媒体Facebook群组「淘宝开心share」上载图片，可见有堆积如山、礼盒包装写有简体字的内地月饼。

网民指，自从家人学会使用内地网购平台之后，去年网购了10公斤月饼来港，今年有进步，更加买了17公斤的月饼来港。

部分网民就对从内地购买月饼质素有质疑，「你都叻囉⋯⋯人哋唔敢食落嚟买，你调返转上去买」。当事人就解释全家都是土生土长香港人，并非新移民，所有月饼全是买来自己食用，并不会转送给朋友亲戚同事。

当事人又指，「之所以会淘，系因为老头想揾返好多细个时食过嘅款式，而呢啲款式大部份都已经系香港绝迹，有一啲款系裕华国货见过嘅，不过贵好多，老头先会淘落来试下」。

当事人又解释，「食品安全问题大家可以放心，我哋全家智商都好正常，见唔对路或者已经变坏咗嘅，我哋一定唔会放入口，之但系如果表面望落正常，但食咗先知内里中伏嘅，咁就真系实属不幸」。

当事人又指全家经济条件正常，并非家贫才要从内地网购食物，只是纯属兴趣。

有网民声援，「真系好晤明，嫌弃大陆嘢，憎大陆嘅人做乜咁辛苦要留系呢个group」、「最紧要自己买得开心，食得开心见到老人家开心就自己开心」、「你老窦钟意就得啦，理得人讲咩。最紧要老人家开心。」

也有人关注17公斤月饼会否吃不消，「月饼食一盒都已经系活受罪，仲要食17KG简直系地狱式折磨。」、

其实就算唔讲大陆食安问题，老人家都唔应该食咁多月饼啦。你呢度十几盒㖞，仲要话唔会送人，自己食晒。好心就管下你老窦啦，仲同佢一齐淘得咁开心」。

有港人分享老父从内地网购多达17公斤的月饼来港。「淘宝开心share」图片