「大头虾」提款后忘记领取 路人目击柜员机「食钱」 网民列重要原因：千祈唔好掂｜Juicy叮
有 「大头虾」提款后忘记领取，路人从旁目击柜员机整个「食钱」过程，一度自责「发现嘅时候条友已经走咗，难帮」。回应的网民则列出重要原因，提醒在这情况下「千祈唔好掂」。详情见下图及下文：
「大头虾」提款后忘记领取 路人目击柜员机「食钱」 逐张睇↓↓↓↓
网民分享忘记拎钱经历
楼主早前在社交平台Threads上载短片发帖，留言指「亲眼见倒有条友唔记得攞钱就走咗，之后部机吞咗钱，我发现嘅时候条友已经走咗，难帮」。
短片长约4秒，见到柜员机已吐出至少1张100元钞票，钞票下方位置正闪着绿灯同时发出「嘟」的响声，不久，绿灯熄灭后，百元钞票便被柜员机吞回，钞票出口紧紧关上银色的闸门，现场回复平静。
不少回应的网民原来也是「大头虾」，各自讲述提款后曾经忘记领取的经历：
•我试过一次，𠮶阵一边揿钱一边谂紧其他嘢，结果去到第2日食饭，见自己银包得返$200（揿咗$1000），谂返先发现自己系无拎到钱！
•我试过无拎钱，因为当时发生咗啲事个人失咗魂，我一直都唔知+唔记得自己无拎钱，直至几星期后银行无啦啦俾返钱我，先记起。
•我试过有次揿完ATM（柜员机）无拎$500，直到一星期后上ebanking check（网上理财查数）数见到 -$500 +$500，先记得咗自己揿完$无拎。
•我都试过，无攞钱但攞返卡人走咗，银行后来有俾返钱我，好彩。
有人更加乘机大呻「之前俾人拎咗$100」、「我试过俾人拎走咗，偷咗」。还有人记得「细个见过有人唔记得拎，隔离机个阿叔见到就咁喺侧边伸只手去拎咗啲钱」。于是有人强调「唔好贪小便宜拎，有cam（闭路电视）」、「唔系自己嘅嘢永远唔好攞」。
相关阅读：太和ATM机提款竟自动弹去转帐页面 前排男1行为劲可疑 街坊揭疑险遇骗：老人家随时中招
网民：唔使帮㗎
对于楼主提到「难帮」，不少网民在回应栏写下经验之谈，指「唔使帮㗎，啲钱会自动返去佢户口」、「唔好拎走系最好，银行会跟到」、「作为银行职员想讲每次都多得攞出嚟嘅人唔少」、「啱呀，唔使帮唔使理，大约一个星期啲钱会去返事主户口」。
因此原来其实楼主已帮了忙——「等部机食返啲钱就系帮咗佢啦」、「吞返咪啱囉。。。，你帮手睇住唔俾其他人攞已经系帮咗啦」。
而综合网民的说法大都是「由佢吞返就系最好」、「等部机吞返钱系最好嘅处理方法」、「食返之后过几日会自动入返佢个户口」、「试过，部机自己食返过两日会入返户口」、「吞返啲钱咪好囉，银行知道有纪录㗎嘛」、「正确做法就系等佢食返，会入返户口度，我试过几次」。
相关阅读：罕见！港铁站ATM机揿到「不完整」纸币 港女嬲爆：连银行职员都唔信 最后咁处理
网民：千奇唔好掂
有谨慎的网民更加提醒「千祈唔好多手帮佢攞」、「千奇唔好掂，拿屎上身」、「千祈唔好掂、掂衬你大Ｘ镬」、「掂也有麻烦，影住俾佢食就最稳阵」、「呢啲唔好多手，到时话少咗张就大镬」、「你咁样做系最好，只要喺过程中，睇住唔好俾其他人攞到就得，万一攞咗，分分钟惹祸上身」。
另有好奇的网民查询「好想知要几耐时间佢会吞返个钱入去」，有人则回应「我估1分钟左右，因为上星期我试过追出去追个叔叔叫佢返嚟，𠮶度系上落电梯，佢上返嚟一层大约30秒度，我睇到佢走𠮶阵又系30秒左右，佢上到嚟啱啱部机吞返啲钱」。
资料来源：c.kei_＠Threads
相关阅读：港铁站ATM提款离奇被抢 港男1方法揿钱身后女子借此抢走：啲钱唔系你！网民：知识唔够？↓↓↓↓
有网民7月底在港铁站恒生银行ATM提款机，目睹一幕离奇抢钱事件，有男子提款后，被身后女子即时伸手抢去，女子更理直气壮大叫：「啲钱唔系你嫁㖞，你都冇插卡！」事件起因与港男以无卡提款有关。
事件引发争议，有网民指女子「知识唔够」，但有网民则怀疑她「乘机偷钱」，有人更声称已透过电子报案中心，代事主向警方报案↓↓↓↓