买烟男使污糟1蚊银大战便利店阿姐：「真钱嚟！你有咩权唔收？」便利店收银吐苦衷法例咁讲｜Juicy叮

有网民到便利店买烟，付款时当中一个1元硬币因太污糟被店员拒收，楼主不满店员拒收的态度不客气，拍片公审掀起热议：「畀小小礼貌问我有冇另一个1蚊，或者其他方法我都唔会为难佢。」

买烟男使污糟1蚊银大战便利店阿姐：「真钱嚟！你有咩权唔收？」便利店收银吐苦衷法例咁讲↓↓↓↓

有网民昨晚（30日）在网上发片发帖公审一名便利店女店员拒收真钱，楼主付105元购买香烟，影片看到当中有一张一百元纸币，与及两个两元及一个一元硬币，而其中一元硬币的一面，相当污糟，另一面则没有问题。

楼主拍摄放在枱上的金钱表示：「我依家呢到一百零五蚊，依家你话呢个1蚊唔收！」便利店女店员即翻开一元硬币污糟的一面：「你影呢到呀！你影呢到呀！」

楼主即拍摄该面已出现严重剥落的一元硬币：「好呀，无问题呀。」他强调：「我呢个系真钱嚟嘅，你有咩权唔收我呢个一蚊？」

他不断质问便利店女店员：「呢个系咪真钱嚟嘅？你依家系咪怀疑佢系假先？」店员则反驳：「你影呢面呀！」又声称：「我无话唔收呀！」

楼主闻言即大发雷霆，怒吼：「你依家话唔收呀！你依家话唔收呀！你收嘅，依家就畀包烟我！」店员未有理会他，只把弄着手上一条未拆开的硬币。

楼主再质问：「你系咪有权唔收？！」女店员未有理会，楼主再问：「唔好死狗呀！收定唔收？」女店员表示：「唔收！因为咁污糟，我就系唔可以收！」楼主闻言爆粗后离开：「Ｘ你老母！真钱嚟㗎！」

楼主在帖文中强调不满的是女店员的态度，如果对方有礼地问他有无另一个一元硬币，他可以另换一个：「本来佢客气啲同我讲佢有咩隐忧，惊公司诈型各样那样，畀小小礼貌问我有冇另一个1蚊，或者其他方法我都唔会为难佢。」

「但佢串Ｘ到无视我，当我透明咁喺收银机攞啲毫子出嚟数，叫我报警，好似想我屈服咁我即刻着Ｘ咗。」

帖文引起热议，有网民劝喻楼主：「大哥，其实你谂深一层，你拎污糟嘅钱出嚟人，人哋之后点找钱畀人啊，个1蚊咪废咗囉……人地都系打份工咋！」

有曾在便利店做收银的网民吐不收的苦衷：「小弟都做过下7仔收银嘅……佢就算收咗你个一蚊，佢都好难找返出去，因为找俾其他客都会嫌架，我都遇过类似情况，所以佢先话唔收。」

该网民又指：「而且你系明知个一蚊污糟，你都系想洗咗佢者，做乜系都逼人收同公审人？唔可以去啲自动售卖机用咗佢？己所不『容』，勿施于人。」

楼主则留言回应再次强调事件是不满该店员的待客态度，并非因对方不收一元硬币：「我明，所以我都话如果佢有咩隐忧同我讲，我理解。」

楼主又指，完全不知道该一元硬币有一面污糟，并非想在便利店使走该污糟硬币：「我用果刻我系唔知，你信唔信我控制唔到，果1蚊真系用唔到咪由得佢，有咩所谓。」

楼主又表示：「分清楚先后次序，服务行业基本礼貌一定要有架啦，我就一向对咩人就返咩态度。」

根据《法定货币纸币发行条例》及《硬币条例》，本港3间发钞银行所发行的钞票及金管局发行的硬币，均为香港法定货币和流通货币，钞票上亦注明「凭票即付」，作为法定货币，是一种有效和合法的支付媒介，在法律上被视为有效履行支付义务。

不过，条例并没规定商业行为必须收流通货币，政府在2010年答复议员提问有很多店舖拒收一毫、两毫、五毫等硬币和1,000元钞票时，强调在任何商业交易中，买卖双方可自行决定使用何种支付媒介。

据金管局资料，汇丰银行为政府的硬币代理银行，市民可到汇丰银行将「不被收银车接受」的香港硬币，兑换为同等面值的其他香港流通货币。

来源：purplenightspider＠Threads