水電工燒味舖結識阿婆騙財4位數 北角街頭撞正上的士閃人 鄰居代尋人：見婆婆喊咗好耐｜Juicy叮
北角一名老婦早前在燒味舖認識到一名水電工人，對方收錢後聲稱兩星期內整好洗手間去水位等，但之後卻去如黃鶴。到得婆婆在街頭再遇上時，這位水電工更加連隨乘的士閃避。老婦因為事件以淚洗臉，幸獲好心鄰居幫忙，在網上發帖追尋疑似騙徒，希望能收回老本。詳情見下圖及下文：
水電工燒味舖結識阿婆騙財4位數 北角街頭撞正上的士閃人 鄰居代尋人逐張睇↓↓↓↓
樓主提醒「北角區街坊注意」
樓主上月28日在社交平台Threads以「北角詐騙」為題發帖，講述婆婆懷疑被騙的來龍去脈，提醒「北角區街坊注意」。帖文講述「有個外號叫『Ｘ生』 嘅水電工呃咗啊婆$2000，答應幫佢2個星期內整返好個洗手間去水位同埋器材，點知兩個月都冇出現，打電話唔聽，喺北角街頭見到佢， 對方見到即刻上的士走人」。
樓主續指「個阿婆係我鄰居，有一凌晨見到佢坐喺度喊咗好耐，我多口問一句先至知道發生呢件事，據了解個『Ｘ生』水電工係喺北角一間燒味舖，好似叫『ＸＸ』燒味舖認識的，唔知有冇人都認識？或者見過佢？」。
相關閱讀：「還錢黨」講齊個人資料 無厘頭屋企樓下追債 醒目女教對付絕招：真係嚇到眼淚都出埋
樓主：阿婆只想要返啲錢
樓主補充水電工特徵
樓主之後在回應欄補充：
•有少少水電工嘅外貌特徵俾大家：個樣生得三尖八角、眼睛好似狐狸眼咁樣古古惑惑，粗眉、著住條好短嘅牛仔褲開工，上身係背心，成日孭住個工具箱。
•聽阿婆講應該係一個「佬」 嚟的。
•我都係根據個阿婆嘅形容放喺度，雖然唔知有冇用。
樓主並獲得「最新消息」指，個Ｘ生「呃咗好多街坊同幾間商舖啲錢」，提醒「大家真係要小心啲， share俾住喺北角區嘅街坊」。
有關心事件的網民則建議，樓主也在北角的facebook街坊群發帖，在區內街坊界廣傳。
資料來源：ming_lovewriting_＠Threads
相關閱讀：向銀行借數百萬移英永不回港還錢 涉事港男現身否認詐騙：「是我自己把握機會！」 網民斥歪理籲舉報↓↓↓↓
有港男移民英國前向本港銀行借款數百萬元，他聲稱因為永遠不會返回香港，因此不會還錢，明目張膽賴帳的言行令人側目，他早前在個人社交平台公開表示其香港戶口因賴帳已被凍結，但否認詐騙：「講真我唔覺得有問題。」「是我自己把握機會、作出的選擇。」「銀行本身係要承受呢啲風險。」
涉事的移英港男目前住在曼城，已移英近三年，有網民起底事主指其在港，曾為一名會計師。他在個人社交帳戶，有分享一些移英生活點滴，並附有自拍照。
涉事港男的言論被網民狠批歪理，紛紛呼籲向有關當局舉報，有曾任職英國銀行界的網民指出，英國銀行亦會調查開戶人士背景、個人信貸評級等資料，事主在港賴帳隨時影響在英國開戶等財務安排，而本港銀行亦可越洋追債↓↓↓↓