小市民灵魂拷问 身边有无人中过六合彩头奖二奖？ 有网民扬言中过7000万自爆近况｜Juicy叮
「身边有无人中过六合彩头奖二奖？」这问题，相信是不少买六合彩博刀仔锯大树小市民打从心底的提问。
楼主早前在社交平台Threads发帖查问「大家身边有冇人中过六合彩？身边朋友、屋企人买咗咁多年，除咗听过人中过三奖，完全未听过人哋中一、二奖，定系大家中完都收埋唔讲，到底有冇人成功中过？」。
有网民回应时反问「到你仲头奖，会唔会周街通知人？」，楼主坦言「唔会周街，但应该屋企人同好朋友都会讲」。接着，留言的网民爆出不少惊喜答案，当中侧面透视了幸运儿中六合彩头奖和二奖后的生活状况，更有人甚至扬言曾中过7000万元巨奖，且大方自爆现状。详情见下图及下文：
身边有无人中过六合彩头奖二奖？ 有网民扬言中过7000万自爆近况逐张睇↓↓↓↓
网民惊喜答案逐个睇
•网民A：我妈同事中过头奖。我还以为是都市传说，真的有人会中。
楼主：真，咁多年身边最多都系中过三奖，开始思考到底系咪真系有人中。
•网民B：身边有人好多年前中过！仲要中过两次！
楼主：好劲…佢平时系咪都好好运？一奖／二奖？
网民B：头奖！佢平时都唔系好好运不过不失咁啦！只系佢一段唔系相隔好远嘅时间中两次！只系𠮶段时间比较好运！身边冇人中过都唔系好出奇！因为佢都有30几年前中！中完之后佢都有keep（保持）住买返𠮶啲号码，到今时今日都未再中过就知有几难啦！
网民C：系咪有做返啲善事布施？人哋话中头奖唔可以自己袋晒，会有意外受唔起。
网民B：都冇话特别做好多善事！最多咪𠮶啲水灾同𠮶啲欢乐满东华捐下少少钱！同埋好似𠮶年新年派利是俾亲戚朋友大大封散紧啲！
•网民Ｄ：我老豆中咗六合彩头奖，仲系我出世𠮶年，所以好锡我，但老豆喺我4／5岁时花心沟女同阿妈离咗婚…最后玩女冇晒啲钱，10多年前老豆过身后执遣物，揾到张黑白影印马会支票好多个零，但唔记得几钱。已经烧返俾老豆。
•网民E：有，我个朋友话佢细个嘅时候老豆中过，但系之后就玩女人同阿妈离婚，然后失咗踪10几年嚟都冇再联络过。
相关阅读：连中3次六合彩袋近$6万 幸运儿分享神奇报梦经历 自爆去呢间投注站落注
网民：同学屋企人中咗 买贝沙湾
•网民F：以前读紧中学个同学屋企人中咗，之后买咗贝沙湾，然后F.5（中五）就去咗外国读书，之后就唔知啦。改写人生。
•网民G：多年前我去马会买两张电脑飞，我抽先，1人1张，Ex（前度情人）中过二奖，整定。
•网民H：有，小学同学当时住村屋，佢楼上。中咗，全家即刻移民加拿大。
相关阅读：出租车司机六合彩「借运」大法 每转车请客人帮忙做一事后中咗几次奖 网民：有同事都系咁做中三奖
网民：发型屋老板夹份中咗头奖 买咗西半山豪宅
•网民I：我识得唔止一个亲戚朋友中过，但唔系头奖，十几万至几万咁上下。有中奖运嘅人好多本身都已经财运好，例如做生意、有楼收租之类。另外家庭都系正常完整，冇小三冇出轨，正经人。
•网民J：有朋友邻居中过6900万头奖。
•网民K：发型屋老板20年前夹份中咗头奖，佢仲留低咗张报纸俾我睇！之后佢买咗西半山豪宅，层楼现在亿亿声。
•网民L：好多年前识人阿爸阿妈中咗100万咗右，用嚟喺大陆起咗幢楼收租。
相关阅读：《爱回家》奇蹟贴中六合彩！剧情搅珠撞中多个号码 网民跟买赢钱
网民自爆：我曾经中过7000万…而家住喺……
•网民M：我曾经中过7000万…而家住喺锦绣花园，仲有两套荃湾租紧俾人哋，衣食无懮…啲人以为打工去发达，以前冇咩亲戚…自从买咗楼之后，你没有钱的时候没有谁会认识…有钱了之后亲戚好像变多了…连之前唔太好我嘅𠮶啲人都话我年少有为。有钱乜嘢都系真情…冇钱，识你老鼠 。
网民M续称「我觉得人生一定要有第一金。好似我咁样而家大把钱…如𠮶唔中嘅话，我到而家都系一个打工仔，唔好话多，100万。可能一世都冇可能，完成唔到」。
资料来源：purpleyes_con＠Threads
相关阅读：中$80万六合彩二奖 幸运儿传授落注心得 现身讲6个字感受↓↓↓↓
去年有打工仔中六合彩后疑炒老板鱿鱼，豪派一人一盒网红葡挞作散水饼，如此好彩数加上大手笔，当时有神通广大的网民于是大胆猜测，派饼人会否是在网上自爆中80万元六合彩二奖的幸运儿？
事情是否真的啱啱遇着刚刚，派挞人咁啱得咁桥正是80万六合彩二奖得主？二奖幸运儿本尊回复《星岛头条》查询时，亲自解开豪派散水饼谜团……表明派饼人「不是我」，并以6个字透露了难得中奖的心情，更在facebook群组「齐齐研究六合彩！」的回应栏内慷慨传授落注心得↓↓↓↓