铁闸日日遭邻居手多多「试开」 门外天眼拍下匪夷所思举动 户主向管理处反映后狂呻中伏｜Juicy叮

家居铁闸日日遭邻居手多多「试开」实在不胜其烦。有户主近日在网上连续上载一连4日的天眼短片，见到装于门外的镜头拍摄到邻居匪夷所思的开闸举动。户主把事情向管理处反映后，狂呻自己中伏。详情见下图及下文：

铁闸日日遭邻居手多多「试开」 门外天眼拍下匪夷所思举动逐张睇↓↓↓↓

楼主：同管理处反映咗

楼主本月14日在社交平台Threads上载摄于7月13和14日的短片发帖，指「发现隔篱屋个邻居每日都喺度试开我对铁闸，又冇证据，所以我哋装返个Cam（镜头），结果真系拍到佢每日不断咁试开，点算好？」。

楼主本月15日在回应栏补充，「同管理处反映咗，佢哋话呢个人系有啲问题，会联络佢屋企人讲（我新搬嚟中伏）。如果佢都系继续骚扰就报警，或会揾社工搞搞佢」。

相关阅读：青衣公屋「鬼影」邻居 晚晚行过窗前「装装贡」 被揭发后咁解释都得？！

楼主：佢出门口都会搞我铁闸

楼主还以「（除了回家）佢出门口都会搞我铁闸」和「今次听到屋内有人唔落手」为题，上载分别摄于本月15日和16日的短片。在本月15日拍摄的「佢出门口都会搞我铁闸」短片中，疑似见到对方离开家门后，连随拿出锁匙试图开启楼主的铁闸。

回应的网民都替楼主担心，有人形容情况「好癫」、「好恐怖㖞」，纷尝试找出邻居作出如斯举动的理由：「开错门？」、「老人家有认知障碍症？」、「要同佢屋企人讲，带佢去看精神科、老人科」、「会唔会脑退化，以为呢度喺自己屋企，尝试开门，我阿爸脑退化中期都有走错门口」。但有好眼的网民则认为片中人是「后生仔嚟」。

相关阅读：将军澳豪宅户嫌太嘈 倒两桶水落街淋搬屋邻居？ 泼水原因另有说法……

网民认为片中人是后生仔

有人估计「基本上想爆夹，不断咁试锁匙」、「其实佢系咪精神有问题，怀疑你屋企乜乜乜先成日搞你度闸」。于是有不少网民排队作出具建设性的建议：

•挂个牌写录影中；
•直接问佢点解要咁做；
•开门隔住个闸同佢对望；
•加个锁！摆明知系佢啦；
•装只会发声的Cam，播警车声俾佢听；
•如果有人喺屋企就即刻开门问佢做乜事；
•Cap（爪）图，印出嚟，放大，贴在闸门；
•就Print（列印）佢搞你铁闸CCTV（天眼）画面贴喺铁闸；
•印你呢份文连相片出来，黐喺你门口，等条友下次睇到，知道你知道及影紧佢；
•开住录影，见佢搞你度门即开门，直接问佢咩事，咁咪解决囉，隔住铁闸，录影住唔会有事；
•你个Cam本身有冇发声功能？如果有Mic（咪），一见到以上情况就开大个MiC问佢：先生，有咩帮到你！

网民：报警备案先

另有人笑说「喺门口贴张纸：哈囉，亲爱嘅邻居，请问点解你日日都尝试开我度铁闸嘅（再唔得，贴多张女鬼相喺门口震慑对方，加多句：点解呀！（红色+粗体+斜体+大字体）希望对方会觉得你有精神病而唔再打搅你」。

有网民认真地称「点都好，报警备案先」、「报警先，等警察处理」、「报警，呢个系企图爆窃」、「有样嘢叫备案。而且佢咁搞你度闸应该已经花咗，可以告刑毁」。

资料来源：lighter12＠Threads

相关阅读：上水公屋户贴狰狞女鬼照 自制惊恐走廊 房署最后咁处理↓↓↓↓

上水有公屋住户，在气窗贴满狰狞的女鬼照，令走廊弥漫一片恐怖气氛，有邻居形容深夜归家时，「一步一惊心」。

事件最后引来房屋署介入，有网民亦分享现场最新的实拍照，该恐怖住户怀疑又有「新搞作」。

涉事公屋单位在上水彩园邨，2024年6月25日，有网民在「香港交通突发报料区突发事故资迅谷」FB专页，发帖指有单位住户，在向走廊的气窗，贴上4只红衣女鬼照，样貌狰狞，引起邻居不安，事件最新发展及房署处理方法，如下↓↓↓↓