「超前部署」停課天氣不似預期掀議 網民反應兩極 天氣專家咁睇｜Juicy叮
熱帶氣旋丹娜絲的殘餘「回馬槍」襲廣東及香港，為確保學生安全，並考慮到全港學校已陸續放暑假，停課對學生的學與教實際影響較少，「應對極端天氣督導委員會」作「超前部署」，提早宣布今日（11日）所有中小學及幼稚園等停課。
今早天氣不似預期，未見嚴峻惡劣天氣，在各大社交平台掀起網民熱議，反應兩極，有網民在早上約7時於「香港突發事故報料區及討論區」FB專頁留言指：「雷達圖顯示今日hk雨量比尋日明顯減少，真係白停課！」
有網民亦在社交平台分享今朝出門情況表示「無雨囉」。由於今日(11日)有學校今日舉辦畢業禮要延期或取消，有網民表示：「……好多學生都流淚了。」「今日大部分學生都想返學。」「可唔可以取消停課，畀我返埋個last day？」
最新直擊！今早市民返工情況↓↓↓↓
網民：我寧願佢早啲講 出咗事就冇得返轉頭
有網民在近7時於社交平台Threads發帖表示：「一早起身想了解下今朝喺咪真喺會落大雨，點知……水都冇滴……」該網民對提前停課的決定表示理解：「預咗有人會鬧天文台，但其實，真喺我寧願佢早啲講，好過到時有咩事要話人哋唔早啲通知。」他指出：「正所謂天有不測風雲，有睇近日新聞都知水浸有幾可怕，出咗事就冇得返轉頭架喇，各位Ｘ之前諗清楚先呀。」
有網民指出大部分學校的畢業禮其實延期舉行，並無取消：「過多兩個月啲同學會死晒咩？」「停又嘈唔停又嘈，全香港咁多學生，邊有可能滿足晒所有人要求。」有網民表示「今次可能係最多人反對既停課」，言論即被其他網民揶揄：「平日又唔見你班學生咁鍾意返學？」有網民表示應「理性啲」看待問題，「真係難招呼，早又鬧，遲又話。」
香港天氣資訊中心：預測暴雨走勢十分困難
香港天氣資訊中心在其官方FB專頁發帖指出，眾所週知預測本港暴雨走勢是十分困難，對於超前部署可否應用在香港天氣呢？中心表示，打風前做好有機會出現各種疏散或撤離的演習，合理；低壓系統有機會帶來大雨而做好防水浸措施準備，合理。
立法會選委界議員、教聯會副主席鄧飛昨接受《星島頭條》訪問指出，周五停課是無可厚非，坦言「如果聽朝(今日)先通知家長話停課，家長仲更加捩棄……就算聽日無落雨，都好過到時落雨令家長狼狽」。
相關新聞：暴雨下「超前部署」宣布停課 有學校取消畢業禮 議員感愕然 鄧飛：聽朝先通知仲狼狽
相關熱話：