短裙女港鐵車廂內誇張撐傘 網民估有實際需要 知情者爆料欲言又止｜Juicy叮
網上流傳一段港鐵女乘客在車廂內擔遮的短片，引起網民嘩然。有網民估計有防曬或晾乾雨傘的實際需要，但有疑似知情者在回應欄爆料，但又欲言又止，耐人尋味。詳情見下圖及下文：
短裙女港鐵車廂內誇張撐傘逐張睇↓↓↓↓
樓主：落車都未見收遮
樓主本月3日在社交平台Threads發帖，指「開頭以為佢身體有病完全唔曬得，再望多次見佢背脊同手臂都冇著防曬衣。Keep（保持）住幾個站，直到我落車都未見到佢收返把遮」。片中見到一名穿白色短裙的長髮女子，在車廂內撐起雨傘。
有想法實際的網民估計「為咗整乾把遮？ 諗唔到第二個原因」、「佢應該做完啲美容療程，塊面唔見得光…但係又要外出，其實部分燈光都有紫外線，不過陽光勁啲…」、「我16歲已經開始擔遮出街， 因為好多雀斑都係曬太陽曬出嚟… 我見我啲朋友去打斑都要使4萬至10幾萬…」。
有人卻斥責「點解唔帶帽？ 車廂擔遮好危險喎，企唔穩篤到人點賠先」、「室內擔遮，你不如帶面罩再著防曬外套算啦」、「個車廂咁窄仲阻Ｘ住晒」；有人更留言「有個阿伯見到呢個人經過之後話『真係誇張』」。
相關閱讀：黃埔短褲男擔「7人遮」出巡 遮柄誇張長到落膝頭 網民憂：遮大招風成個人升天
接著，陸續有網民自爆指相中女子似曾相識：
•我荃灣見過佢；
•我都見過佢又係大埔至上水。我見到個頭係上咗年紀嘅女人；
•今日下午大約6:30喺太和火車閘口都見到呢個女人，好多人行過都望佢。室內冇陽光都擔遮，不停拉實把遮，好似好驚俾人望到佢咁；
•佢係唔係遮住個身呀？佢係唔係傳聞中喺大埔區出沒嘅，成日用啲頭髮遮晒塊面嘅女人呀？
及至有網民向樓主查問：你係咪喺上水至大埔站路段撞到呢個女人呀？如果係，再講～。
樓主於是回應：係呀，佢側面塊面搽啲防曬搽到勁白。
這名網民進一步留言指「恭喜你，你見到大埔『無頭公主』。因為你見唔到佢個頭。好多年㗎啦，有精神病廿年以上，上水至大埔出沒，以前就縮骨遮但唔打開，純粹2cm距離遮塊面。至於點解話佢有精神病，係另有原因」。之後未見這名網民就留言作補充。
資料來源：kam_chsam＠Threads
相關閱讀：強風襲泳灘如捲起沙塵暴 泳客險連人帶太陽傘扯飛↓↓↓↓
風暴「泰利」來襲，2023年7月16日三號風球下刮起的強風，吹倒泳灘上的多把太陽傘，如甩繩馬騮的傘子上演飛沙風中轉。有泳客拉著太陽傘與強風搏鬥，幾乎被扯飛，情況驚險↓↓↓↓