失业5个月揾工揾到灰 37岁翻译硕士呻爆：硕士呢个包袱太重 网民揾到症结点出呢条生路｜Juicy叮
本港最新失业率升至3.5%。一名37岁失业5个月的翻译硕士，近日因为揾工揾到灰而在网上自爆其职业生涯，并呻爆「硕士呢个包袱太重」。细心又热心的网民却根据履历，找到这位失业硕士的问题症结，纷纷伸援手点出一条生路。详情见下图及下文：
失业5个月揾工揾到灰 37岁翻译硕士呻爆：硕士呢个包袱太重 逐张睇↓↓↓↓
楼主翻译硕士毕业 失业5个月
楼主今日（26日）凌晨在社交平台Threads以「揾工揾到灰」为题发帖，指：
「本人今年37（岁），翻译硕士毕业，失业5个月，不断揾，一直得个in（interview，面试）字，好笑嘅系早排收到offer（录取通知），过两日间公司打嚟话因为cut budget（削减预算）而唔请（更好笑嘅系同类事件2019年都遇过一次），而家真系灰到不行。
我知衰，做嘢12年，好多行都做过，翻译、copywriting（撰稿）、marketing（市场扩广）、物业管理、饮食、零售、CS（customer service，客户服务），无份工做得长，最长𠮶份年零，唔过probation（试用期）嘅4、5份，而家CV（curriculum vitae，履历）都系老吹自己一直freelance（自由职业）。适应力低，multitasking（多任务处理）差，中招之后记性都差埋。另一个认衰位系嫌辛苦，虽然钟意煮嘢食，但饮食真系太辛苦，讲到尾硕士呢个包袱都系太重。
我要求唔高，都系揾入行门槛低嘅工，CS、物业管理，fresh grad welcome（欢迎应届毕业生）𠮶啲照apply（申请），开fresh grad价。自问语文好，大专教书同补习都有试。copywriting都有apply，但而家兴AI（人功智能），所以唔想再写字。无专业资格，读言语治疗硕士要50个（50万元），而且读完都四张（40岁），太迟啦，其他短course（课程）（例如ERB（Employees Retraining Board，雇员再培训局）𠮶啲）读完出嚟人工又好低，呢个年纪同学历要挨实在太难。无晒方向，亦唔系做老细嘅材料，到底我应该点做？」。
相关阅读：树仁仔失业半年转做清洁轻松袋14K 怕太留恋「舒适区」
有网民看过楼主的长文后，分析出问题症结所在：
•份份工做唔长都几致命；
•呢个世界无怀才不遇，根本就系心态问题，先谂下点解有4、5份唔过probation；
•你呢种态度应该系仲未揾到自己想做乜嘢工，你应该问自己最想做乜好过求其揾一份；
•我想问，有咩工系唔辛苦，能力差系借口，话自己呢样唔得𠮶样唔掂，知衰无用，系要去面对，份份工做唔过两年，几次唔过 probation，通常唔系能力嘅问题，系工作态度嘅问题。
相关阅读：月入6万中年IT男失业 一家之主愁坐食山崩 网民心酸集气指点生路
网民发长文回应鼓励楼主
另有网民指，「你语言好其实好羡慕，你打鬼佬工就比我呢啲讲句英文都麻麻地嘅人优胜万倍」，不过也人不太认同这优点，指「语言好，唔代表沟通好，成长背景影喺人际沟通、文化不同就会有代沟」。
有网民认为「这是好一篇令人警惕的文章，多谢sharing（分享）；不少人更是热心地把耳闻目睹，甚至发长文与楼主分享自身经历，把事情一码一码地铺开说过明白以鼓励楼主：
•十几年前，电台有个听众讲自己经历，讲自己系博士生。都一直揾唔到工。然后退而求其次用中学学历揾到份文职，之后老细有份文件要佢搞，搞好咗老细一睇，文件里嘅鸡肠（英文），唔系中学生可以写得出嘅水平，一叫人入房倾先知佢有博士学历，然后升佢做经理，师兄，睇你肯唔肯搏一铺。
•master（硕士）都唔代表乜，以前公司请过一个双master做admin位，全公司最入门𠮶个位仲要12k（$12000）佢都杀，总公司HR（人事部）仲话我哋发啦！我哋心谂咁嘅学历咁嘅职级佢都杀？……哗做落就知，佢完全系只系识读书𠮶啲人嚟，教极唔晓，个脑好似日日都系新嘅一样。血都呕出嚟。结果试用期要延长，之后过唔到，炒埋。摆低你心中张证书，好好谂下自己可以点增值自己⋯⋯
•我啱啱谂返起之前fresh grad（刚毕业）都系无自信，撞正疫情难揾工，甚至in完听返熟人讲我唔啱，有些少明楼主点解会觉得所有可能性都无嘅窒息感觉。希望你可以振作，我早前都经历咗一段唔愉快嘅工作经历，睇埋心理，而家我有返自信，有新工返。试下吸引力法则，心态决定境界！楼主可以利用呢段时间学下新嘢，识多啲人，识人好过识字。
•你本身能力唔得，咪揾啲唔使multitasking嘅简单工作囉。虽然有AI，但freelance译嘢都仲存在，只求有嘢做的话，用个学历揾下补习都会有。我都系翻译硕士 对我嚟讲只系用钱买嘅一个学历嚟咋㖞，无乜特别，亦从来无用呢个学位嚟揾工。唔知你bachelor（学士学位）系读咩，但建议唔好focus（专注）自己学历先，谂下点样改进个人沟通同工作能力罢啦，你乜都嫌，唔会有咩好结果，不如直接退休算。
•问自己钟意靠技能揾食定系做office（写字楼）（先唔好考虑自己学历、以前工作经验、屋企人看法，自己意愿number 1（第一））。唔好话无所谓， 因为系两条好唔同嘅路。我有位中学同学以前中学会考（旧日嘅DSE，中学文凭试），做咗几年炒散， 跟住入咗地铁做物业管理助理，要夜晚拿支电筒周围巡𠮶个级别。佢一边读夜校， 一张张Cert（证书）、Diploma（文凭）、Degree（学位），专业资格全部读晒返来。埋单系总监级（已退休）。幸苦一定幸苦，但系中老年生活好好多，又有嘢可以自豪。
•首先，市道系差，僧多粥少，就算有得面试，10个人可能最终请1个，意味住有9个人会失败，有时可能10个都唔啱。其次，硕士学历好普遍，而且要相关／有牌先有用，我就唔熟翻译行业，但似乎硕士唔系太大帮助，而且有AI真系唔多需要请咁多翻译，更加少机会请个新人返嚟，有工开都未必收入好。我谂你要放开硕士呢个头衔，谂下自己想行咩路，读完言语治疗40岁要50个（50万元）唔系好大问题，有成廿年比你实揾得返，关键系你适唔适合，读完唔做浪费咗时间同50万先系真正问题。加埋香港地需要劳工，嫌辛苦系好棘手，人地唔嫌弃，你都嫌份工辛苦唔想做。37岁可能仲有廿几年做嘢，谂清楚自己条路，用几年时间储知识同经验，都仲有起码廿年比你揾钱，有啲更加65岁都可以继续做。放低身段系难，但经济条件差，比你美斯（球王美斯，Lionel Messi）咁叻喺香港都系无咩前途。你有咁嘅学历，相信都有咁上下认知能力可以做到判断。加油，系唔容易，37岁谂掂，好过10年后47岁仲烦紧呢样嘢。
•我同你一样37（岁），揾工大概揾咗几个月，都系得个in字，不过我同你相反就系只系做过两份工，我因为好loyalty（忠诚），所以从未俾人challenge jumpy（质疑转工频密），但可能有人又会觉得我唔上进，真系好睇interviewer（面试官）点睇。我觉得问题未必完全喺你身上，而系个大环境真系差，其他人都有讲依家job opening（职位空缺）真系少，有时见自己都match（符合） JD（Job Description职位叙述） 80-90%，倾落各方面vibe（氛围）都好，但就无下文，转头见佢又repost（再招聘），我都怀疑好多公司未必真请人，就算真系请都要揾个120% match晒各样条件嘅人，揾唔到宁愿唔请，所以点解我试过见有啲位话悬空咗半年至1年。你依家经济压力会唔会好大？如果大我觉得可以做住pt（part time，兼职）再揾ft（full time全职），我依家都系做住pt+freelance揾ft，我就好在自己一支公，生活压力唔太大，同埋有嘢做住揾工会令自己分散注意力，唔会成日loop（循环）住灰。You are not alone（你不孤单），我好明白你未揾到工嗢种灰，我自己都一样有怀疑自己系咪真系咁差？但谂返好多同我做过嘢嘅人都对我正评，你唔请我系你损失；我早排因为灰所以暂停揾工一星期，最近沉淀完又重新出发，加油，机会总有一天会出现！
相关阅读：老婆唔知老公失业两个月？ 靠旧同事通水惊悉真相 网民明白男人最痛
网民替楼主逃选职业路向
接着，有不少网民认真地替楼主逃选职业路向，建议：
•旅游顾问，导游；
•去国内二线城市教英文；
•最稳阵就一早应该去教小学同中学；
•你做私人补习得唔得呀？ 都系一条出路嚟嘅；
•做补习社，或多外国人机构/学校做Admin（行政）；
•物管其实啱你，压力唔大，写中英文信你又掂，又唔使multitasking，稳稳阵阵；
•创业，做顾问，拍youtube（网上短片分享平台）讲下行内秘闻，好揾；一路煮饭一路讲，又系一条出路；
•思前想后，我觉得你应该揾保安去做。放底你嘅学历包袱，去揾一份适合自己性格嘅工作，咁先系对自己最好；
•试下考政府contract（合约） EA（ executive assistant，行政助理）位。语文好，帮到手。不过都要改善下做事的程序，如果唔系好难做文职；
•我觉得你可以尝试揾下法庭会请嘅翻译员或者相关法庭书记、文员𠮶啲，我谂你嘅学历都几符合，薪水都高同稳定，工作压力我唔太清楚，但话晒都法律相关所以唔可以hea住做啦。
本港失业率升至3.5%
政府统计处6月17日公布，本港今年3月至5月经季节性调整的失业率为3.5%，较2月至4月微升0.1%；就业不足率也升0.1%至1.4%。期内总就业人数为3,664,700人，较2月至4月减约12,400人；总劳动人口为3,800,500人，较2月至4月减约6,000人。
资料来源：lamlamlam2606＠Threads
相关阅读：减薪4位数字转新工 中年打工仔一原因劲感恩 同路人：少5日大假都肯做↓↓↓↓
打工仔为两餐，人工当然越高越好，但有人却竟然反其道而行，愿意减薪4位数字转新工；有相似境况的同路人更加自爆，减薪转工后连大假也少了5天。不过，这两位打工仔竟不约而同地因为一原因而乐在其中↓↓↓↓