住日本5年回流香港 饱受礼待反爱港式服务？ 港女嫌日本少一点「活人感」 网民：香港系人情味｜Juicy叮
有港女在日本居住5年，回流香港1年后近日总结心得，于当地亨尽礼貌服务后，却始终喜爱港式服务，形容日本的服务员少了一点「活人感」。
回应的不少网民皆大有同感，并一语中的直言「香港系人情味」，且细数种种可能是粗声粗气的窝心感受。详情见下图及下文：
住日本5年回流香港 饱受礼待反爱港式服务？港女嫌日本少一点活人感逐张睇↓↓↓↓
楼主点评两地服务态度
楼主本月6日在社交平台Threads以「日本5年回流香港1年」为题发帖，放上长文按行业点评港日两地的店员服务态度。
楼主开宗明义地称「我到而家都仲系好钟意香港服务业𠮶种不专业感（你无听错我钟意香港式服务）」，接着按不同行业举例点评：
– 某连锁饺子店，个姐姐出餐唔小心成盘水饺跣咗落地
•如果喺日本，99%会表现出劲慌、劲失礼，系咁对周围嘅客人申し訳ございません（对不起）咁；
•但系香港啲阿姐，系为咗化解尴尬，一齐笑到傻咗。
– 高级蛋糕店
•（香港）个哥仔好专业咁帮你Pack（包装）紧蛋糕，同时半开玩笑咁同你讲唔好咁信公司啲纸袋，跟手将个蛋糕放入两层纸袋；
•如果日本，一定系好专业好有礼貌讲一大堆敬语。
– 凉茶铺
•同阿姐讲想要冻嘅凉茶，佢一边斟一边阿妈式小Ｘ我，话女人真系唔好饮咁多冻嘢，第日你就知死；
•日本嘅小店姨姨，都会亲切嘅，但应该冇咩可能会用闹女嘅语气。
– 生果铺
•（香港）同姨姨讲话唔使袋佢谂咗3秒，跟住继续塞啲生果入袋，一边话：哎！个袋俾埋你啦；
•日本的话，一般都唔会强塞个袋俾你，但可能遇到唔识应对嘅情况都会Hang（当）机。
楼主总结，「其实有时拘谨、礼貌又专业嘅态度都系好值得欣赏嘅，但有时亦正正因为咁，生活喺呢个地方，又会缺少一点活人感。或者我Ｍ底（受虐），但我觉得香港𠮶种服务者同被服务者相对对等嘅模式我更欣赏」。
网民一语中的：香港系人情味
回应的不少网民皆大有同感，左一句「我都系」，右一句「明你」，并一语中的直言「香港系人情味」、「直接诚实唔扮嘢」、「Agree（同意），好亲切」、「我都钟意，咁做人先有互动」、「香港啲店员仲会搲下客吹水」，其他力撑楼主的留言包括：
•同意。有活人感唔等于冇礼貌，亲切感比机械人式服务更值钱；
•我都钟意港式服务多啲！！日本太拘谨，做客人都觉得唔自然……；
•完全明呀，香港真系生活感强好多，香港人𠮶种灵活性同率直好正；
•以前去完留学，返到香港，直头觉得我&（和）对方终于唔使再做戏啦；
•我都钟意𠮶种贴地烟火气，有时被阿姨叔叔当女咁话两句，其实仲开心；
•明你！率真vs（对）伪善，真系要喺两地住过一段时间先明，否则一率都系风凉话；
•无聊吹水：香港嘅服务业会唔会就系最可以保留人性嘅𠮶一群人？ 因为佢哋可以做返自己；
•我都系，有人会觉得服务态度唔好，但我会觉得大家似返个「人」先有生活气息。太一丝不苟仲抑压；
有人以更长的留言尽情表达自己的看法：
•我都系唔习惯日本式服务。唔系话唔好，只系我唔惯。反而香港呢种Ｘ口Ｘ面嘅我就好钟意，可能我M底？我仲以为呢个世界得我一个咁黐线，原来是有同路人的；
•呢啲就系我钟意香港人嘅地方，亲切、直接、好心地。何况日本而家啲服务态度都差咗好多。识听啲日文尤其Feel（感觉）到，日本人𠮶只有礼貌都只是机械人式，唔系有Heart（心）𠮶种；
•我明，虽然大部分日式服务我都Ok，但唯独一样我真系好唔钟意，就系去餐厅嘅跪式落单。真心有晒礼貌、讲晒敬语我已经觉得足够，但系跪喺度落单真系太比我阶级感，我食餐饭、你打份工真系唔使咁样；
•好明。日本做过Part time（兼）服务业，有对白背，咩情况讲咩，根本上系播带。Manual（说明书）冇讲嘅问题，系绝对唔会帮人解决。讲真，店员土下座（日本传统礼仪）嗑头道歉，都帮唔到个客，系情绪勒索个客，唔好再多嗲，劲憎；
•好明你，日本8年，而家计划2、3年后回流。虽然日本有好多好好嘅地方，但做得日本公司耐，觉得自己好假，成日扮日本人将自己嘅情感压抑，每日気を使う（ 体贴他人）、空気を読む（读空气，察言观色）劲攰，心灵嘅监狱，而家为咗自己嘅心理健康，决定唔会太気を使う 。大部分日本人嘅好系好表面，只想好来好去，但喺香港自私嘅人真系自私，为你好嘅人真系可以两胁插刀，有义气；
•日本唔好得几多，试过药妆店俾咗钱佢，佢收埋摆咗一边，跟住Pack（包装）袋，佢有个同事同佢讲完两句俾咗啲嘢去冚住咗我啲钱，佢唔记得咗，又问我收过，我话我俾咗你，佢Ｘ晒面话我冇，好似当我揾着数，我指一指个CCTV（闭路电视）叫佢Check（检查），佢揾埋个Supervisor（主管）（应该系）话我，结果佢哋自己拎开啲嘢揾返出嚟，两个人都冇讲句一句唔好意思或者对唔住，继续Ｘ面，喺香港真系冇遇过，就算态度差都唔会知自己错后一句Sorry（对不起）都冇。
还有网民细数具体例子：
•凉茶（铺）真系好あるある（常有的事），啲阿姐又要问你冻定热，话冻嘅话佢哋又会话，凉茶冻饮越饮越湿呀，暖啦好嘛，好正；
•㖊日去街坊铺买豆浆，$11/枝、$20/2枝，我要一枝，俾$20佢找，阿姐找张$10纸附送坚定眼神同微点头示意唔使出声（铺入面好似有个平时看铺嘅大叔），我用眼神回复佢多谢；
•有次喺麦记叫4件鸡翼加冻奶茶，个收银姨姨同我讲好咁叫啦！唔抵食、叫餐啦！我话我食唔晒，姨姨答「咁配粟米囉、粟米听日食！」跟住佢自己已帮我入单。比著日本一定一定一定唔会咁，总之你叫咩我就落咩单。
有网民持相反意见 反问：吓
不过，也有网民对楼主的看法感到奇怪。指「香港边度对等，Ｘ口Ｘ面，贴钱买难受」、「会唔会都系睇地方，大阪、东京呢啲大城市服务亲切得嚟好机械式，但喺乡村小镇就感觉冇乜𠮶种拘谨」。还有自爆在港受了不少服务员的乌气：
吓，人哋对你有礼貌，你反而要啲咩生活感，你想R（搲）水吹咋？（在香港）我试过有次睇衫睇咗5分钟，冇买到就俾人兜口兜面闹；有次又问老板娘可唔可以笠一笠恤衫，应承试穿后冇买就俾佢Ｘ面Ｘ；仲有次问个老板件衫几钱，我冇买，佢就话我其他衫买唔起；去茶餐厅食餐饭，叫侍应俾Menu（餐牌），亲口讲咗两次，都当你无到。买件衫、去食嘢，都要受人气，俾钱买难受！我喺日本根本唔会有呢种体验。
资料来源：some.bxllshits1999＠Threads
相关阅读：住港日女发表「离开唔到香港嘅理由」 提8大理由香港完胜日本↓↓↓↓
在港居住了5年的日本女子「Nami」，2024年前公开发表了「离开唔到香港嘅理由」，她提出香港在8大方面的优点，令她决定继续留在香港生活。Nami在其个人Youtube频道以其居港5年学来的广东话，发表以下「离开唔到香港嘅理由」↓↓↓↓