工人姐姐出街後回家 周圍掉呢樣危險嘢 家長嬲到震：小朋友差啲食咗｜Juicy叮
家有大頭蝦工人姐姐照顧小朋友，為人父母的格外擔心，有時甚至因為她們的一些大意行為而火燒心。
一位港爸早前便在facebook群組「聘請工人姐姐關注組」上載相片發帖大呻，指「呢一刻只想係咁講粗口，嬲到我震，小朋友差啲攞咗嚟食……」。相中見到小朋友的紫色玩具旁，有一個被丟棄的圓形細小物體，詳情見下圖及下文：
工人姐姐出街後回家周圍掉呢樣危險嘢逐張睇↓↓↓↓
相關閱讀：收集丈夫隱形眼鏡10年 人妻儲滿一罐變身小夜燈 網民嘲：如儲鼻屎
網民：卡住喉嚨就大件事
回應的網民知道事態嚴重，指「我見到真係會好火滾」、「卡住喉嚨就大件事了」，樓主更加擔心：「會鎅喉嚨」。樓主接著稱：「睇嚟要幫佢激光矯視，咁以後佢都唔使戴Con（隱形眼鏡，Contact lenses）」。不過網民指出「大眼Con同近視無咩關係，佢純粹係扮靚」，並稱「帶大眼仔嘅工人，第一印象已經唔太好」。
另有人好奇「工人返工都戴『大眼仔』咁癲」，樓主澄清：「佢出街返嚟之後」，並上載另一張發現「大眼仔」的相片。有網民於是查問「點解周圍都有？」，樓主回應：「因為我長期都返工都唔喺屋企，係我老婆見到」、「附送梳化都有」。
工人姐姐出街後回家周圍掉呢樣危險嘢逐張睇↓↓↓↓
網民：直接隨手除咗就亂丟
網民感嘆個「工人勁唔衛生喎」、「好污糟喔，佢直接隨手除咗就丟」、「我咁無手尾都成日掉唔中垃圾桶，成日黐到成個垃圾桶都係。咁多年都未試過好似你姐姐咁，地下同床都有，佢應該係平時做嘢都好揦西」。於是有人教路「鬧到佢精神分裂， 淨係叫佢做清潔，等佢自己辭職唔做」、「設定底線，時間。再犯可以請佢走」，不過樓主回應稱：「日日鬧緊」。
有人則自爆另一工人姐姐小故事，指「我試過有一排喺屋企成日見到一小撮假眼睫毛，我得啖笑然後買咗支好啲嘅眼睫毛膠水俾佢，就再冇執到毛喇」。
相關閱讀：來港菲傭面試過程全曝光 對話藏潛規則 網民：太可憐↓↓↓↓
有港漂實拍在港菲傭的面試現場，在菲傭的面試對話中，被指隱藏外傭職場的潛規則，引來網民熱論。