夜歸女南昌站遭搭訕 陌生漢癡等唔走嚇到手震 即興使出一招即甩難｜Juicy叮
獨行女子夜歸時遇上陌生漢，尤其是對方有奇怪行為時，要特別提高警覺。一名夜歸女早前在社交平台Threads發長文，講述在碩大的港鐵南昌站內，遇上高大陌生漢搭訕，並在扶手電梯下癡等的嚇人經歷，幸而事主醒目，即興使出一招甩難。
不少回應的網民原來也有相似的被搭訕經驗，紛自爆詳情和分享具建設性的應對方法，詳情見下文。
樓主講述遭陌生漢搭訕及癡等經過全文見下圖↓↓↓↓
在帖文的回應欄內，有網民分享曾在南昌站內，遇上懷疑跟樓主見到的同一人——「我都試過，唔知係咪同一堆黑人／南亞裔。南昌站，跟咗我5分鐘，我帶佢遊花園但佢跟埋上車，我嚇到去到荃灣西落車再上第二個車卡」。
也有網民稱「南昌站？嗰邊好靜。下次扮打電話即刻行去便利店。搵人幫手」、 「不論日夜，自己一個出街就係要一眼關七唔好掛住玩電話」。
有人則告忠「女生要好好保護自己」，並建議「下次再遇到呢個情況，可即時找地鐵職員尋求協助，可以起到阻嚇對方嘅作用 。但有時站內範圍太大，未必即時搵到站內職員，你可致電附近警局(可預先download 警方個app)，說明你感受到危險，等警察到來 。期間你盡量停留係大堂中央位置，可以見到上落乘客的 。最最最重要就係要俾對方知道你唔會怕事、你夠膽報警處理 。以後佢就會知難而退」。
另有人提出不同的應對方法：
•「我會扮咳，咳到好似會傳播怪病咁。佢咁都唔走，會先call（打）手機扮有朋友接自己，再搵職員幫手」、
•「最好即刻打電話俾屋企人，再搵票務站職員。千祈唔好離開車站。有咩覺得危險可以即刻搭返地鐵。出咗車站會仲危險」、
•「我都試過類似的經歷，嗰次仲要係日光日白在旺角地鐵站，我都係即刻企喺多人的地方扮打電話，等佢自己走，大家真係要小心啲！」。
還有不少網民分享曾遇陌生漢搭訕的經歷：
•「我曾經試過坐地鐵時，有2名南亞裔男子企近過來，其中一人故意用腳貼近過來，我輕輕縮開，佢繼續得寸進尺，我『摺『』咗一聲然後睥住佢，佢仲係度陰陰咀笑，郁都唔郁 。我就係佢哋面前拎起電話打開警方app，轉成英文，再揀report（報案），然後搜尋最近警局位置 。佢哋見到我search（搜尋）警局map（地圖），嗰個挨埋過嚟嘅男人即刻企開啲，跟手佢兩條友就喺下一站即刻落車」、
•「以前讀中學著住校服時，有一次放學搭地鐵，發現有個西裝友跟蹤我，本身同一個車廂，見唔係好對路，於是走去第二卡箱，佢又跟住我轉，之後出車廂，諗住等下一架車，佢又跟住我，呢個時候已好確定佢係跟蹤我，於是乎當我到咗屋企嗰個站，即刻走落去客務中心，諗住report嗰個男人同報警，本身佢跟住我喺後面行，見我去咗客務中心，見到佢即刻掉頭走，so（所以）做女仔，先唔好驚住，要鎮定，然後諗辦法脫身同搵人救助」、
其他網民分享的被搭訕經歷和應對方法見下圖↓↓↓↓
不過也有網民估計「個黑人其實都無做啲咩！佢可能見你個樣醒目想問路呢」；另有人笑言「嗰兩個女仔竟然冇懷疑你係迷暈黨？ 」。
相關閱讀：港女皇崗口岸疑遇迷暈黨三度碰面企到好埋一除口罩由頭暈到尾↓↓↓↓
有港女早前在皇崗口岸疑遇迷暈黨，她三度碰到一名男子「企到好埋」，向她借WIFI，不斷向她問問題，女事主覺不對勁「調頭走」，上到車一除口罩，即「由頭暈到尾，差啲倒地」。女事主表示：「如果我唔係戴咗口罩，同有啲警覺調頭走，應該畀人攬咗上車。」以下為事發詳情：