带B女入餐厅滚水渌成二级烧伤 做错一事肇祸 父母或餐厅责任掀争议｜Juicy叮
有港爸妈在网上发帖，指晚上携带十个月大BB女到一间餐厅用膳，泊好BB车后，妈妈去洗手间，爸爸只转头「谂住揾酒精搓手液」，结果听到茶壶跌落地下声音，B女下半身遭热水渌伤，送院被诊断为二级烧伤。
港爸在帖文中hashtag涉事餐厅，又引述餐厅服务员在意外后表示：「壶水一开始就放咗系度，放咗系BB车伸手可及既位置」，引发网民热议事件中父母或餐厅的责任，详情如下：
带B女入餐厅滚水渌成二级烧伤 做错一事肇祸 父母或餐厅责任掀争议：↓↓↓↓
涉事父母在其IG社交平台出限时动态，帖文中讲述事发时经过，帖文标示「二级烧伤」，并附有B女受伤后包扎后的相片，帖文开头即表示：「作为父母，最唔想发生既事，终于发生咗小朋友严重整亲。」
事发当晚，该对父母和B女去完Playgroup后，到附近的餐厅食晚饭，他们有告知餐厅服务员有BB车，当被安排入座时，「(服务员)叫我泊架BB车入去」，当时B女「仲系BB车，(B女)妈妈去咗洗手间」。港爸就「开始安顿一下自己，只系放低个袋，拧转头，谂住揾酒精搓手液」，突然意外发生，港爸说，这时「我听到茶壶盖跌咗落地下既声音，我对鞋开始有热水，湿入袜，我就知出事」。
港爸回头一望，见到B女「手拎住茶壶，盖跌咗落地下，下半身湿咗」，港爸即时将BB车拉到空位，「当时服务员走咗埋嚟，我即刻叫佢拎铰剪，剪裤，然后入厨房，用冻水冲伤口，打999 call白车。」
同场加映：港爸指控外佣疑报复煲粥严重灼伤BB 手及半身不停甩皮：医生话可能要植皮 警拘43岁菲佣涉虐儿↓↓↓↓
港爸：服务员说壶水一开始就放咗系度
港爸在帖文中hashtag涉事餐厅，该餐厅在港有三间分店，皆位于新界区，主打上海菜。港爸引述餐厅服务员在意外后向他表示：「壶水一开始就放咗系度，放咗系BB车，伸手可及既位置」。
该港爸其后再出限时动态，大字标示「好嬲！！！」并呼吁网民介绍「处理过二级烧伤」及「处理过BB烧伤经验」的适合医生，并希望网民分享日后如何消除烧伤疤痕的方法。
网民：店家有责任令危险物品远离小朋友
帖文在社交平台疯传，引发热烈回响，不少网民认为父母及餐厅在事件中均有一定责任。「其实店家都有责任令危险物品远离小朋友/BB（如果放好物品后bb车再入就控制唔到），但当然最大责任一定系顾住BB𠮶位大人。」
「我会觉得双方都有责任，带位服务员无留意到热茶好近BB车（当然可能一带完位就离开咗啦），但呢样就系服务做得不足嘅地方……而个老豆责无旁贷，点都一定系佢自己错最大，底层逻辑，你自己最重要都无睇好，边有得闹人，希望BB无太大手尾。」
网民：父母有责任 第一件事真系睇下热水摆系边
「一泊好车，就要清走晒左右枱面D嘢系基本常识！唔系安顿自己，又去揾酒精搓手液！更加唔会系间餐厅员工负责！系佢老豆老母本人负责！」
「男人真系好易系呢啲位疏忽，亦都输经验……每一次、每一次、每一次，去餐厅食嘢，第一件事真系睇下热水摆咗系边？系咪有玻璃杯/易碎物品？有冇陶瓷碗碟？只叉系咪尖头？有冇辣油糖架摆系附近？总之呢啲系佢面前既嘢一律通通摆开……绝对绝对唔系摷袋揾消毒酒精先！」
「我自己带个仔出街，就一定时刻警觉，基本上个仔伸手可及既范围，都严禁有危险物品，意外真系一秒就会发生，所以做人阿妈，我真系唔介意畀人话我紧张大师。」
同场加映：黄大仙孕妇偕丈夫推BB车借钱 港男一「绝招」测试即现形 原来是…↓↓↓↓