观塘人气饺子店「员工」出餐位剪指甲 店家否认是职员：佢系嚟玩㗎咋！上榜衞生署「星级有营食肆」｜Juicy叮

观塘一间上榜衞生署「星级有营食肆」的人气饺子店，被拍到有「女员工」在出餐位剪指甲，惹起网民关注非议，不过，店家回应《星岛头条》查询，否认该「员工」是职员：「佢系嚟玩㗎咋！」

该人气饺子店除观塘外，在九龙湾亦有分店，事件在网上引发热烈回响，有网民形容：「当众剪指甲同当众撩鼻屎无分别」，有关事件及店家的回应，详情如下：

星级有营食肆！观塘人气饺子店「员工」出餐位剪指甲 店家否认是职员：佢系嚟玩㗎咋：↓↓↓↓

 

 

 

 

 

 

 

 

 

 

 

 

 

 

 

 

 

 

 

 

 

 

 

 

涉事的观塘人气饺子店，主打多款自家制饺子及特色粉面，价格十分亲民，冰花煎饺子平均每只4元，大受食客欢迎。该店同时上榜衞生署「星级有营食肆」，承诺每天提供最少5款「蔬果之选」的菜式。

有网民在上周四（13日）在社交平台Threads发帖，拍到该店一名女子在出餐位置剪指甲，楼主表示：「容许员工喺出餐位剪指甲，观塘饺子ＸＸ都真系有啲料。」帖文附有现场照片，拍到一名戴口罩女子，站于L型出餐枱一角，拿出指甲钳，正聚集会神剪指甲。她站在出餐枱外，面朝向出餐区，相中见到区内有两名女职员正在准备食材，未有理会该女子。

同场加映：尖沙咀印尼食店老板辱骂食客：「揾你80几蚊惨过做鸡！」 仲有更进击回应↓↓↓↓

尖沙咀一间印尼食店的老板，因负评与食客爆发骂战，该食店老板回应相当进击：「我接到你依个『客人』算唔算中伏？」「请你唔好再黎啦，揾你80几蚊惨过做鸡。」

 

涉事的印尼食店位于弥敦道一栋大厦的3楼，其前身为一间屹立佐敦40年的怀旧印尼餐厅，老店于2016年结业，其后由第二代接手再于现址复开。（google地图截图）

 

有食客在网上对该食店留负评，分享今年4月一次光顾的感受指「贴钱买难受」。

 

该食客批评叫的大部分菜式「系得个甜字」。

 

他特别指其中一碟萨摩汁牛肉，「成兜野甜到食唔落」，而且「仲要系用肥牛片。」

 

「炒饭有镬焦粒，鸡丝有D硬，又系甜味。炒四季豆有D生，D参巴医又系甜。」

 

除食品质素外，该食客又批评店内职员态度。

 

「收银阿姐态度劲串，只系问佢我哋落咗几多样𩠌，佢就好恶咁掟返畀我哋睇张纸，话你自己睇返叫咗几多！」

 

「侍应个个好急好忙咁，问佢边到有水，只系讲前面转左，佢个斟水位又被挡住，最后都系冇斟情愿出去买！」

 

店主其后以长文亲回，说话相当进击。

 

店主心水清，记得该食客当晚4个人，埋单$329，「人均消费刚好82蚊左右。」

 

店主：「这个消费额在晚市的尖沙咀区，相信除了M记外都不能做到。」

 

至于被指食物「甜到食唔落」。

 

店主回应：「既然你话「甜到食唔落」，点解你地会食到连汁都一滴不留？(精神错乱？)」

 

「黑豉油当然是甜的啦，难道会有酸的黑豉油？」

 

对于那碟「萨摩汁牛肉」被指用肥牛片，店主回应：「唔知道你们是否没有去街市买菜的经验？请你们调查一下肥牛的每磅成本是多少？肥牛又是否为低下的肉种？」

 

对于店员态度差的指控，店主回应继续进击。

 

店主回应：「餐厅忙，侍应梗系忙，忙起上黎答嘢当然会急D。」

 

「不过我同你强调一点，就系我地餐厅无收你加一服务费。」

 

「如果你想要比较好的服务，就建议你去五星酒店。」

 

「佢地服务都非常好，就算你再无理取闹，佢地都会笑住望住你。(只不过可能会在心里咒骂你)」

 

对于食客指未能取水，店主仍然心水清。

 

店主：「虽然你（指食客）声称唔知水起边，但系该晚你地又好成功咁去攞水去洗餐具。」

 

最后店主表示：「请你唔好再黎啦，揾你80几蚊惨过做鸡。」

 

该食客其后再回应：「一间连顾客反映真实声音的店铺，难怪出品品质同店主同出一辙。」

 

店主继续进击：「点都叻过你，我地做一件事可以专注做几十年。 而你只能匿名连样都唔敢露岀，起度扭曲事实胡言乱语。 我地打开门做生意，正大光明，有咩怕你？」

 

第二场骂战在一周前发生，有食客负评该店店员的恶劣态度。

 

食客批评「门口呀姐」态度差，餐厅限时，「如果坐低就要开始计时80分钟。」

 

「最后都系好唔情愿地俾我哋入去揾已经坐低咗嘅朋友，之后每一位入座嘅客人都抱怨门口呀姐好恶赶客。」

 

「食物方面有好有坏。咖央多好食，巴东牛肉都好正宗。不过所有食物嘅调味都偏甜。」

 

「但系米饭唔够水分非常硬，咬到牙较都软。」

 

「埋单每位$100。呢个价钱喺佐敦尖沙咀算平。但有其他更好嘅选择，起码唔洗受人气，同埋对个胃都健康啲。」

 

该食客又批评店主「不愿接受批评之余仲要将责任推卸落顾客身上。可能佢哋大把生意，唔志在少咁几个我呢啲闲人帮衬。」

 

店主就这位食客的负评，再发长文回应，当中有不少金句。

 

「一日做得几辛苦坦白讲也不怕，最怕就系见到你啲咁嘅人咁嘅留言。」

 

「特别反映到好似我哋依啲小店，应该对你所谓客人卑躬屈膝，应该对你双膝跪地先令你满意。」

 

「你唔好咁自我中心啦，你要考虑吓人哋其他等位嘅人。」

 

「我接到你依个『客人』算唔算中伏？点解你可以咁自私？」

 

「我咁辛苦做完嘢，一打开电话就见到你讲啲咁嘅嘢，你会唔会赔返钱畀我？」

 

「大过啦，成熟啲唔好成个『巨婴咁』。」

 

店主长文发出后数小时，其后删走回应，改为道歉。

 

店主道歉：「思前想后，我之前对你的言论实在是非常恶劣。 也不应用工作繁重来做自己态度差劣的借口。 对你致上万分抱歉。」

 

店主昨日（18日）再在其官方FB发帖回应事件。

 

「大家脾气唔好，基本上每一日都会有一个客人对我哋讲粗口x我地老母。(完全冇交流之下)」

 

「细佬脾气口气，唔系太好。」

 

「代入大家都系打工仔嘅角色，可能我哋好俾心机做完老板俾的工作，问心无愧去交货嘅时候，」

 

「老板竟然回你一句：『屌你啲嘢全部都系甜嘅。同我挨通宵重新做过！』」

 

「咁真系一时之间收唔到怒火，不识大体咁讲左啲唔系几好嘅回应。」

 

「所有嘢都系我哋错，大家唔好嘈交。」

 

「呢位自修室嘅弟兄，如果你系当事人。我诚意邀请你嚟开个Live ，小弟亲自向你斟酒认错。」

 

「希望大家唔好嘈交。我哋大家都系香港人。有怪莫怪。」

 

 

事件引发网民热烈非议，纷纷质疑店方的卫生情况：「加料？」「加钙？」「饺子有咬口啲？」「食完肠胃炎？」「Cls同当众撩鼻屎冇分别。」

有网民幽默地揶揄店家：「剪指甲证明咗『员工注重干净又卫生』」，有熟客指出，该剪指甲处近收银位，怀疑她是收银职员，「佢指甲长突晒出嚟唔剪，可能收钱时会哗亲啲客……」有网民呼吁：「当众剪指甲同当众撩鼻屎无分别……既然唔会当众撩鼻屎，剪指甲系有需要去厕所做啦好嘛。」

《星岛头条》就事件向涉事店家查询，该店一名女职员回复，否认该剪指甲女子为店内职员，她表示：「佢唔系我哋员工，佢唔系呢到返工，佢系乡里，系到玩㗎咋。」但既非员工，她为何会站在出餐位剪指甲？该女职员解释：「佢有个乡里系到返工，佢企系到倾计。」店方为何容许一名非员工在出餐区剪指甲？有否阻止？该女职员回复说：「都有阻止，当时（我哋）都系忙嘅，我哋都有（阻止）。」对于事件，店方有否训斥与该名剪指甲女子「倾计」的店员，该女店员回复：「有啊，有啊，我哋都有讲。」

最后，记者问她当时有否食客即场投诉？该女职员回应说：「因为当时我唔系好清楚，我无返工呀，唔好意思。」记者问她姓氏及职衔，该女店员表示「系呢到员工」，记者问她是否店长，她说：「依家暂时店长未返工」，并强调：「你有咩就问啦，无乜所谓嘅。」

同场加映：将军澳一家3口食$79霸王餐 店家一原因拒「开样」吁「返嚟畀返钱」最新情况是…：↓↓↓↓

将军澳一家3口食$79霸王餐 店家一原因拒「开样」吁「返嚟畀返钱」最新情况是…

 

将军澳有拉面店出帖，指有父母带同小朋友光顾后「走数」

 

这一家三口总共消费79元

 

被「走数」的拉面店是位于将军澳东港城的乐面

 

店家在其官方FB发帖，帖文附有该一家三口的收据

 

收据上写着「冇比（畀）钱」。

 

店家在帖文中表示，该一家三口在本周六（23日）早上到店食早餐

 

「食完后，女士先同孩子出门口，问有咩付款方式？」

 

「讲咗好几个都话冇，转头话佢老公会付钱。」

 

「佢就话带个小朋友走先，之后就喺同事唔为意，发觉突然间走咗……」

 

店家呼吁：「希望这一家人睇到个post，尽快返嚟俾返钱啦，」

 

「我哋都有晒CCTV，同听到你同同事嘅对话，希望你只系真系唔记得，多谢。」

 

不少网民留言希望店家「开样」追缉。

 

网民：「Po相啦 将军澳唔系好大㗎」，「赞成出cctv 相，等佢D 亲朋戚友同事街坊提提佢未埋单。」

 

有曾开食店的网民留言，表示有可能是「真系唔记得」

 

网民：「以前做食店有试过，应该真系唔记得，两公婆前后脚，老公行先攞车，老婆睇小朋友以为老公畀咗，希望睇到单会记得畀返啦。」

 

店家留言回应：「唔出相系有原因。」

 

似乎暗示亦相信今次「走数」，可能只是唔记得，店家又说：「我真心佢地唔记得畀返就算。」

 

事隔多天，不少网民留言问店家「揾到人未啊」

 

店家事隔三日的最新回复表示：「无啦，我信人嘅希望再一次令自己失望，我多么的on居（戆居）。」