屯門廣場玩具店天花漏水慘變「水舞間」 網民笑言：過幾日會唔會有低價清貨

颱風蘇拉吹襲香港期間，屯門市廣場一間玩具店懷疑天花漏水，上演一場室內「水舞間」，多盒Lego模型及擺設被水沾濕，商場職員立即入內清理，並將貨物搬走。有多名家長帶同子女在店外觀看，有網民笑言玩具店是否為「樂高水世界」，又反問「啲盒濕晒，過幾日會唔會有低價清貨呢？」

有網民今日（2日）於facebook群組「真.屯門友」發文，指屯門市廣場一間玩具店懷疑天花漏水，水流傾瀉而出猶如瀑布一樣，水柱不斷打落店內的玩具擺設及Lego模型上。整個過程吸引多名家長及小朋友駐足觀看，多名工人立即將Lego模型移走，又清理店內的積水。

多名網民非常關注被水沾濕的Lego模型會否有低價清貨，但亦有人指今次是「樂高水世界」，「啲盒濕晒，過幾日會唔會有低價清貨呢」、「鐵達尼號有防水層，唔驚」、「有得買殘盒就好，咁啱9月頭出咗新野」、「浸出你最狂野的實境」、「濕咗嘅拎出嚟拍賣，就知道大家有幾重視個紙盒同實體說明書」、「會唔會有濕水貨平賣」。

—