初选案︱何桂蓝指「揽炒系一种精神」

「35+」初选案续审，被告何桂蓝今午于西九龙法院作供解释「揽炒」，「首先我会话揽炒唔系一个目的」，续指「揽炒系一种精神，就系明知自己会承受好大代价，简单来讲即系炒埋自己，都要坚持做自己认为应该做嘅嘢。可能你会问，噉对家炒咗啲咩呢？佢失去咗对我哋嘅控制，亦都冇办法再控制对香港事态嘅」。何桂蓝另指「反抗嘅同时必然会建立一啲嘢⋯⋯你会打开咗好多空间，呢啲先系运动真正嘅建树」。

大律师Trevor Beel主问下，何桂蓝解释「揽炒」定义由一开始已经人言人殊，「可以有完全唔同嘅意思」，字眼最初源于连登论坛，意指「香港政府、警察一啲不义行为要传达畀国际社会知道，从而令到中国唔可以维持香港一切正常嘅假象」。何桂蓝认为「首先我会话揽炒唔系一个目的」，因为无法就「揽炒」目标达成共识，续指「揽炒系一种精神，就系明知自己会承受好大代价，简单来讲即系炒埋自己，都要坚持做自己认为应该做嘅嘢。可能你会问，噉对家炒咗啲咩呢？佢失去咗对我哋嘅控制，亦都冇办法再控制对香港事态嘅发展」，「对家」意指北京及港府。

何桂蓝又指「反抗嘅同时必然会建立一啲嘢，而我哋透过反抗所建立嘅嘢必然会导致佢嘅权力会有所削弱，至于每一个人做嘅嘢系咩呢，就每一个人都唔同喇，所以我认为保持个开放性系比较好喇」。何桂蓝续解释「即系大家觉得社会运动有一个好明确嘅诉求，达到就达到，达唔到就输喇。但系喺唔同嘅时空其实真系好少社会运动达到佢哋原初嘅诉求，但系喺运动嘅过程里面，你会打开咗好多空间，呢啲先系运动真正嘅建树」。

Trevor Beel问到其是否同意「揽炒十步」，何桂蓝坦言「我认为策略投票成功，民主派选到35席或以上，系非常难，直情系奇蹟，但唔系无可能嘅」，「即使功能组别几难选都好，2019𠮶个民气的确我觉得可以支撑多几席。简单嚟讲，2019年嘅运动好可能突破到本身立法会组成上嘅限制，即使有功能组别，即使行比例代表制，民主派都可以选得赢。」但何桂蓝认为出于前述原因「我唔认为35+可以维持到⋯⋯我想讲由第二步开始，我已经系觉得唔可能㗎喇，所以以下嘅都系推演」。何桂蓝又称「但系最后我哋大家都被现实打败啦，我觉得冇可能，但系最后第8步呢篇文两个礼拜之后就来咗喇。」李官问「揽炒十步」是否不切实际，何桂蓝认为「如果中共系容许香港人民选嘅议员、民主派，喺议会取得超过35席嘅话，就唔需要有功能组别，亦唔需要有分组点票。」

法庭记者：陈子豪

—