港男出Po晒自助餐「拎到尽」 一次攞走3分1忌廉蛋糕 酒店即刻咁变阵 网民：佢怕咗你｜Juicy叮
有港男在网上出Po炫耀自助餐「拎到尽」的战绩，惹来网民热议。该港男将原个忌廉蛋糕，一次过攞走3分1，有网民嘲讽他「攞𠮶下已经肉酸，post上嚟更加肉酸」。
自助餐「拎到尽」晒战绩 酒店即刻咁变阵｜点击即睇↓↓↓↓
该港男最近在FB群组「香港茶餐厅及美食关注组」中发帖表示，他在尖沙咀一间酒店享用其食沙律吧半自助餐，价格为每位143元。
他表示：「差唔多过零礼拜就嚟一次。」在帖文中楼主附有多张相片，晒当日「拎到尽」回本战况，见到枱上有大半个鲜忌廉蛋糕，非常触目。
一次攞了$110
真的回本了吗？楼主自有计算，他指出：「出面个鲜忌廉蛋糕，酒店出面小酒吧位，卖成两旧几水一个，我起码攞咗佢三分一。」
「酒店级数，𠮶三份一嚿蛋糕我谂都直（值）$70蚊。」「杯咖啡买40蚊。」
换言之，楼主将原个鲜忌廉蛋糕一次过攞走三分一($70)，再加上一杯咖啡($40)，只是这两样，楼主估计基本上已值110元。
从相片中看到楼主同时有取其他多款食物，最后埋单「落楼价$143蚊」，「所以觉得喺度食沙律吧半自助餐系好抵食。」
楼主：原个蛋糕已经冇咗啦
楼主其后再发相现场直击原个忌廉蛋糕被秒杀后的补充情况：「我可以现场即时报告畀你听，已经冇咗啦，转咗第二啲小蛋糕，好彩头先攞咗三分一个鲜忌廉。」
楼主拍摄的相片看到原个鲜忌廉蛋糕，已变成一件件细小蛋糕仔，「而家变咗咁，个一磅蛋糕冇咗。」
自助餐「回本食法」全攻略｜点击即睇↓↓↓↓
网民：自私当有趣
自助餐「炫富」帖文一出，即时引发网民热议，部分网民直斥楼主自私和肉酸：「自私咗。」「正所谓只要你唔尴尬，尴尬嘅就系人哋。」「攞𠮶下已经肉酸，post上嚟更加肉酸」
「仲以为自己好醒至犀利。」「你呢啲人，自私当有趣。」「饿狗抢屎都系一种食法」「好心啦，分开几次攞唔得咩？」「人出豉油你出命，三份一个蛋糕脂肪爆表。」
据港男现场直击，原个忌廉蛋糕其后没有再出现，引来不少网民笑指：「酒店怕咗你。」「蚀本呀。」「嗱嗱声收起先。」
楼主：唔搏老命咁食不如食套餐
面对部分网民批评，楼主作出回应：「有人批评我攞咁多蛋糕其他人冇得食，我想问有阵时自助餐一开始条蒸鱼已经攞晒，咁我系咪要怪攞蒸鱼嘅人？ 食自助餐唔搏老命咁食，咁不如食套餐算喇。」
楼主又不认为攞太多「肉酸」：「有乜话难睇？如果大家都排紧队攞嘅，就真系好肉酸，更加唔好一个人攞晒，但系我攞紧𠮶阵时，周围都冇人。」
网民：食得晒系冇问题
部分网民亦撑楼主攞走三分一个蛋糕：「我都唔明啲人话你咩，又唔系拎十X几碟，钟意食蛋糕拎多啲都比人插……食得哂都要比人插，浪费食物𠮶班咪要跳楼？」
「我觉得食得晒系冇问题，一次过攞几件。」
「有畀钱食多啲无问题㖞！如果限量又唔想人一次拎咁多，就叫人排队每次比一细份。拎咗记得食晒咪得囉～」
相关热话：
—-