星8卦丨「公子」好賭成性 「痴情」勸睇心理醫生繼續賭分手收場

唔知點解娛樂圈零舍多賭徒，而且賭到唔識收手，有啲仲搞到財困，「公子」就係最好例子。當年一出道已經順風順水，早年要搵錢，只要你肯郁手，錢就會送到你手上。嗰陣佢有個依家被視為超好演技嘅影后女友，愛到要生要死，最終離佢而去，原因都係因為一個賭字。

「公子」無聊到同一班朋友食飯，都可以賭今晚嘅菜單有無人叫咗雞，而賭注就成10萬蚊人仔。有時更無謂係賭今晚啲雞好唔好食，影后女友初時仲成日勸佢唔好，將辛苦搵返嚟嘅錢亂fing，點知話唔聽仲嗌分手，兩個人變怨侶，老死無往還。但有啲人就係桃花旺盛，唔知點解出名cool又唔易鍾意人，但鍾意咗就一生一世嘅「痴情」，甩咗「小鮮肉」之後，或者為治情傷，畀「公子」嘅外表呃咗，加埋大家咁高咁大，外人睇係絕配。

不過結婚後「公子」嘅好賭本性更犀利咗，以為娶咗咁叻搵錢嘅老婆實唔憂賭，得閒去下梳打埠輸幾百萬，股票麻雀上賭船，總之逢賭都啱，搞到「痴情」要佢去睇心理醫生。後嚟兩個人生埋細路，個仔又有啲缺憾，諗住做下慈善回饋社會，點知有錢仲賭得大，搞到債務纏身，「痴情」幫無可幫，惟有帶埋阿仔走人自保。

【相關文章】：

星8卦丨「細細粒」為幫「大大隻」求財求子迫全家人食齋 搞到阿仔心臟出事仍未知死

星8卦丨「靚聲」防疫大陣仗 全方位保護奇招開工免家人中招

星8卦丨「巴閉」出事後低調來港生活 怕被人認到唔出街免麻煩

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。