東張西望丨罕病鋼琴老師墮騙局失119萬積蓄 騙徒Cut線唔肯對質再索禮品卡
TVB節目《東張西望》今日報導一名患罕有疾病病人誤墮網上騙局，因而損失過百萬元。患有先天性罕有病「亞伯氏症」的Joanne，因病致顱骨又扁又高，手指亦黏在一起，不過Joanne憑住努力學琴，克服自身缺陷，成為鋼琴導師。2021年7月一位家長加Joanne入一個手機宗教討論群祖，最初她以為只是交流資訊，所以並未有退出群組，卻因此損失逾119萬港元積蓄。
【相關閱讀】：東張西望丨公屋五度污水倒灌滿佈糞便飄浮物 申請維修調遷進度慢竟現大反轉
【點擊睇罕病患者誤墮騙案失過百萬】：
Joanne加入群組後一個月，一名自稱住在美國、叫「Kelly Wong」的男性加入群組，更主動與Joanne交流，適逢當時Joanne情緒低落，被對方打開心扉。Joanne：「屋企當時有啲喪事，啱啱完咗，心情唔係咁好。又撞啱疫情期間，大家互勉情況下，都叫係一種關心。」當時Kelly自稱「凱利船長」，經常要四出公幹，後來Kelly對Joanne提出一個要求：「佢話當時唔喺當地要去公幹，佢收到物流公司通知，話因為公司要搬去另一個國家，佢嘅貨物需要有人託管。」後來Joanne將地址給予對方，她以為只是舉手之勞，又可以幫助別人，豈料卻跌無底深淵。
相隔不久，Joanne即收到物流公司通知，不過並非通知她收貨，而是要她支付4萬元運費：「我又冇運過嘢，好戇居、冇戒備心下畀咗佢。」不過相隔數日，對方再向Joanne索取金錢：「隔咗幾日，物流同我講包裹有啲問題，涉及洗黑錢嘅程度，要我畀30萬港幣進行清關。」當時Joanne第一個反應是：「大鑊喎，洗黑錢咩嚟？我淨係幫人咋喎，個包裹對Kelly Wong好重要，我當時估佢會畀返我。」
後來Joanne向海關查詢，發現並非真有其事，開始懷疑自己受騙；不過此時物流公司繼續向Joanne索取高昂運費，更引用《國安法》務求令Joanne乖乖奉上金錢。Joanne指：「佢窮追猛打，又話我唔交呢筆費用，朋友貨物就冇，呢個情況下，我畀咗一筆好大嘅金額（逾85萬）佢，佢話我唔畀錢《國安法》啲人就會嚟拉你。」
Joanne前後向騙徒奉上超過119萬元，幾乎等於她畢生積蓄；不過後來物流公司竟然再叫她再支持150萬港元：「佢話係包裹許可證，呢一刻我覺得係一個騙局，加上我冇能力再付款，所以我冇再畀錢物流公司。」Joanne說：「整件事當中，我覺得既荒謬又無稽，亦纏繞我；我會諗，點解會偏偏選中我呢？」後來Joanne終於報警，不過因她聽從騙徒指示，先從銀行提取現金，多次存入指定戶口，因無留下實質收據而難以舉證。
《東張》嘗試聯絡始作佣者Kelly Wong，不過當主持提到自己是Joanne朋友，對方卻立即cut線，隨後卻whatsapp聯終《東張》表示願意還錢，但先決條件是要再買一張價值數千元的禮物卡，聲稱是要增加雲端儲存量才能上載資料向物流公司交涉。後來Kelly Wong更用苦肉計，向Joanne聲稱：「你再不理我我就自殺了。」不過Joanne已經並無理會對方。
因誤墮騙案捐失過百萬玩金的Joanne，一生積蓄化為烏有，覺得自己愧對媽媽。她在訪問中更彈奏《眼淚心裏流》及《世上只有媽媽好》獻給父母：「醫生心目中我係冇可能生存到而家，但父母對我不離不棄，養育我、裁培我。」Joanne聲淚俱下說：「而家我嘅積蓄所剩無幾，生活好艱難，我又比較難搵工，所以頭先彈呢首歌解動我嘅情緒。」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
