好人好事｜港男揸綿羊仔紅隧口自炒 遇靚仔仁醫撐傘幫手

香港勝在有好心人！一名港男日前駕駛綿羊仔駛經紅隧口時失控自炒，其間一名「熱心靚仔哥哥」上前幫手，既疏導後方車流及報警，又為事主撐傘等候救護車到場才離開。港男事後在社交平台發帖交代經過，又指對方「嫁得過」，及後他更透露「大好人」原來是港安醫院腦神經外科專科醫生黃秉康。

事發於上周五（26日）傍晚時分，一輛綿羊仔駛經紅隧口附近時，疑因天雨路滑失控自炒，鐵騎士手腳擦傷，事後由救護車送院治理。該名鐵騎士事後在facebook群組「馬路的事討論區」發帖，指事發後有一輛深紅色保時捷其後駛至停在其綿羊仔後方，為事主擋住車流，而司機亦落車為他撐傘及報警，「多得熱心靚仔哥哥為我檔車，幫我撐傘，為我叫白車直到白車嚟為止，真的太感動，香港還有如此的大好人，萬分感激，真係嫁得過！」

一名港男日前駕駛綿羊仔駛經紅隧口時失控自炒，其間一名「熱心靚仔哥哥」上前幫手。

 

上周五（26日）傍晚時分，一輛綿羊仔因天雨路滑失控自炒。網上圖片

 

一輛深紅色保時捷其後駛至停在其綿羊仔後方，為事主擋住車流。網上圖片

 

一輛綿羊仔因天雨路滑失控自炒。網上圖片

 

當日的「熱心靚仔哥哥」原來是為港安醫院腦神經外科專科醫生黃秉康。黃秉康IG圖片

 

他又在帖文補充表示，當時至少耽誤「熱心靚仔哥哥」半小時，而對方甚至幫他將電單車推去雙白線停泊，再把掉下的雨衣放回電單車內。看著對方全身均被雨水沾濕的身影，令他非常感動。

有目睹經過的網民亦留言表示：「我經過時見到佢架車打斜停，我仲以為你哋有交通意外，原來佢係幫緊你…你上咗擔架床，佢仲幫你托起架電單車…的確佢係有幾分靚仔同官仔骨骨嘅！」

其後事主亦證實當日的「熱心靚仔哥哥」原來是為港安醫院腦神經外科專科醫生黃秉康，隨即亦大讚對方，：「應該係救咗好多人命，所以佢會咁偉大幫我，到呢一刻我已經眼泛淚光，你哋明唔明白過種心情」。不少網民紛紛留言大讚，「好人有好報」、「好人好事，正能量」、「人間有愛」。

當日的「熱心靚仔哥哥」原來是為港安醫院腦神經外科專科醫生黃秉康。黃秉康fb圖片

 

黃秉康醫生日前在紅隧口幫助一名自炒鐵騎士。黃秉康fb圖片

 

當日的「熱心靚仔哥哥」原來是為港安醫院腦神經外科專科醫生黃秉康。黃秉康fb圖片

 

黃秉康醫生日前在紅隧口幫助一名自炒鐵騎士。黃秉康fb圖片

 

黃秉康醫生是港安醫院腦神經外科專科醫生。黃秉康fb圖片

 

當日出手幫人的黃秉康醫生事後接受本網訪問時笑言「只係小事」，他憶述當日自己開車時見到前方的綿羊仔跣胎橫亙路中心，鐵騎士倒卧地上，於是他停車截停後方車流，並下車查看司機情況。他指對方手腳僅擦傷，神智清醒，傷勢不算太嚴重，於是幫他報警並陪他等候救護車到場，「真係下意識就停低架車，因為見佢（鐵騎士）瞓喺地下，驚後面啲車睇唔到車到佢，於是就停車落車幫手，同埋嗰陣都有個救護員同電單車司機過嚟話幫手，唔淨止得我一個」。

對於事主「嫁得過」的評價，黃醫生則大笑起來，指對方「好funny」。他透露自己經常遇到同類事件，每一次他都會盡量幫助拯救傷者，「呢幾年都起碼遇到最少3宗，大部份都唔算係話好嚴重，除咗7、8年前西九龍走廊有單交通意外，個傷者無咗呼吸，我就幫佢做心外壓同報警」。不過，他呼籲其他駕駛者，如在馬路上遇到交通意外，不要「逞強」，需顧及自身安全情況，「好多高速公路啲車嘅車速都好快，我哋要睇住個現場環境，之後盡快報警」。

————

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。