獨家丨57歲吳國敬17年情玩完慘被分手 大灣區搵食同女友長期分隔異地

3年多的疫情,不少圈中人慘食穀種,其中轉戰幕後多年,偶然以唱作人身份演出的吳國敬,為「撲水」照顧拍拖17年的女友Elaine及金毛愛犬金金,決定到大灣區一帶搵食,最後落腳中山搞音樂!不過根據可靠消息,因為長期相隔異地,57歲的阿敬已慘被分手,𠵱家兩袖清風孤伶伶重新出發。記者傳短訊求證分手一事,阿敬即啟動拒收訊息功能,明白嘅,年過半百俾女飛,心情一定難受。採訪:娛樂組

失戀吳國敬日前以嘉賓身份出席「仁美清叙」晚宴時強顏歡笑。
失戀吳國敬日前以嘉賓身份出席「仁美清叙」晚宴時強顏歡笑。

 

吳國敬同Elaine相戀17年,以往經常po相放閃。
吳國敬同Elaine相戀17年,以往經常po相放閃。

 

香港疫情已過,市民生活亦回復正常,一班資深歌手如許冠傑、梁詠琪、黃凱芹及呂方等個個出嚟開騷「跑數」,但作過《對你太在乎》、《越吻越傷心》及《玩火》等好歌嘅吳國敬無人問津,主力在內地發展的他日前回港幾日,出席完「仁美清叙」成立32周年晚宴及酒樓活動後匆匆返回大灣區,為兩餐頻撲中港兩地。

吳國敬最近以嘉賓身份出席「仁美清叙」晚宴。
吳國敬最近以嘉賓身份出席「仁美清叙」晚宴。

 

來去匆匆又北上。
來去匆匆又北上。

 

坐食山崩要慳啲使

疫情令吳國敬入不敷支,連共過患難的女友都走埋。據知情者向頭條日報爆料:「其實阿敬好顧家,將辛苦錢盡量滿足女友,每年會去高級餐廳慶生,無奈近年真係搵唔到食,起居生活上都配合唔到Elaine要求,加上年復一年儲唔到老婆本,又聚少離多,兩人經唔起疫情考驗,情海翻波玩完,就算阿敬力挽,向Elaine承諾會瞓身搵錢都搞唔掂,一把年紀被女飛,相當慘情。」3年前吳國敬曾在訪問中透露,疫情下好多job都要押後及取消,見財化水,坐食山崩要慳啲使,加上投資咗哥哥喺美國開嘅海鮮餐廳亦失利,諸事不順。

自2020年7月後,阿敬再冇po過兩人晒恩愛嘅相。
自2020年7月後,阿敬再冇po過兩人晒恩愛嘅相。

 

疫情下阿敬只好搵商機,轉戰線上音樂會。
疫情下阿敬只好搵商機,轉戰線上音樂會。

 

吳國敬接受內地媒體訪間時透露,兩年前移居大灣區,放眼未來一定係咁行。
吳國敬接受內地媒體訪間時透露,兩年前移居大灣區,放眼未來一定係咁行。

 

阿敬不時喺佛山市同樂隊拍擋夾band。
阿敬不時喺佛山市同樂隊拍擋夾band。

 

3年前與陳蕊蕊參與《我是帶貨王》活動。
3年前與陳蕊蕊參與《我是帶貨王》活動。

 

拒收訊息唔想回應

本報記者透過微訊聯絡吳國敬,問到工作狀況,身在中山的他回覆表示要放眼大灣區,所以北上發展,但當追問在香港樂壇係咪好難搵食?怕唔怕同女友長期相隔兩地會感情生變時?吳國敬即啟動拒收訊息功能,突然間切斷對話,避談分手事,都幾冇禮貌。

3年前吳國敬抗疫派物資時坦言,疫情下好多job都要押後及取消要慳啲使。
3年前吳國敬抗疫派物資時坦言,疫情下好多job都要押後及取消要慳啲使。

 

2015年4月吳國敬喺紅館舉行30周年作品展,好兄弟Big 4成員上台力撐。
2015年4月吳國敬喺紅館舉行30周年作品展,好兄弟Big 4成員上台力撐。

 

𠵱家阿敬兩袖清風,遊走大灣區演出都唔使心掛掛。
𠵱家阿敬兩袖清風,遊走大灣區演出都唔使心掛掛。

 

Box
躁男事件簿

2010年12月
吳國敬同鄰居發生爭執揮刀指嚇,最後控方決定不提證供起訴,裁判官判處阿敬自簽3千元、守行為9個月。

2010年12月吳國敬同鄰居發生爭執揮刀指嚇,最後控方決定不提證供起訴。
2010年12月吳國敬同鄰居發生爭執揮刀指嚇,最後控方決定不提證供起訴。

 

2014年2月
經營美甲店嘅女友Elaine去北京搞展銷會,但託運赴京受阻遲遲未到貨,阿敬單拖到物流公司理論,最後警員到場。

2017年8月
吳國敬被的士司機拒載,不甘被對方鬧人渣展開罵戰,並驚動警方,事後更在網上放相公審司機。

2017年吳國敬被的士司機拒載,不甘被對方鬧人渣展開罵戰。
2017年吳國敬被的士司機拒載,不甘被對方鬧人渣展開罵戰。

 

《星島頭條》APP經已推出最新版本,請立即更新,瀏覽更精彩內容:http://www.stheadline.com

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

黎明詩逝世丨莫鎮賢指黎明詩食道癌惡化影響行動拒坐輪椅 揭患病仍出力照顧前夫

細細粒陳嘉佳極速由300磅減至148磅 吊帶小背心出鏡 一部位驚現極度鬆弛

43歲男神與兩AV女優合體!眼神迷離伸脷風騷甜笑 網民驚訝要合作拍片?

今期《星島頭條》周刊星期六出版 不容錯過!

都市網新聞