獨家丨張繼聰負評中死唔去:抨擊我嘅人都係菩薩 怕失眠尿頻唔敢諗衝擊金像影帝

43歲的張繼聰(Louis)早前憑電影《窄路微塵》在電影評論學會大獎首奪影帝,由於強敵當前所以唔敢諗再下一城衝擊金像獎。多年前曾被傳媒以「廢柴老公」形容的他坦言影帝獎座好重要,但並非振夫綱寶物,因為唔再介懷閒言閒語。貴為娛圈道理王,開口埋口勁多大道理的張影帝笑言:「當米高佐敦打籃球咁勁,都被批評神化咗時,我仲有乜嘢好講?釋懷啦。」至於曾在負評海中「遇溺」,已被訓練到壇數好高的阿聰已懶理,「吓吓要證明畀人睇,到死都唔會完。」採訪:方騫平 攝影:鄧國良 場地:富豪國際酒店集團富豪香港酒店

張繼聰堅持自己是有自信的好演員,就算輸都雖敗猶榮。
張繼聰堅持自己是有自信的好演員,就算輸都雖敗猶榮。

 

阿聰堅持做人唔可以輸畀自己。
阿聰堅持做人唔可以輸畀自己。

 

阿聰拍每套戲都盡最後一分力演出。
阿聰拍每套戲都盡最後一分力演出。

 

阿聰演戲好自我。
阿聰演戲好自我。

 

張繼聰喺演藝路上遇到唔少菩薩。
張繼聰喺演藝路上遇到唔少菩薩。

 

阿聰曾被傳媒屈為「廢柴老公」。
阿聰曾被傳媒屈為「廢柴老公」。

 

童星出身的張繼聰,入行後拍咗47套電影,今年分別憑電影《窄路微塵》及《飯戲攻心》提名角逐「第41屆香港電影金像獎」影帝及男配,他完全冇諗過可以連中二元並搞笑說:「如果咁諗太喪心病狂、好高騖遠喇,年青人應該踏實啲…」他認為入圍五強一定已達到出色水準,只係評審品味問題,加上角逐的都是滿意作品,所以值得開心:「尤其香港電影票房好咗,討論度高返好多,否則就算叻到會飛,擸晒所有獎,冇討論度可以玩得幾耐呀?」

阿聰好喜歡電影《窄路微塵》,傳達人要互相包容,好有人情味。
阿聰好喜歡電影《窄路微塵》,傳達人要互相包容,好有人情味。

 

阿聰演嘅《飯戲攻心》,搞笑得嚟充滿香港味道。
阿聰演嘅《飯戲攻心》,搞笑得嚟充滿香港味道。

 

影后心水鄭秀文

張繼聰指角逐對手係仰慕的黃秋生、劉青雲;跟麥沛東及楊偉倫又曾合作:「佢哋做得好好,《正義迴廊》又成功。」不過阿聰永遠對自己有信心,因為從來唔會交行貨,每次都盡晒最後一點力,唔要輸畀自己:「人哋嗰啲(戲)係航空母艦,我哋唔係舢舨仔,都算係一隻橡皮艇,成班後生仔划到出公海唔反艇仲想點呀?經已好開心啦,再諗就會失眠口乾、尿頻、心跳加速、腎上腺素飆升!惟一思考點樣分身行紅地毯,據以往經驗要Mark定化妝師幫我印面油,同埋要買定零食放喺凳底,鏡頭以外快食嚟充飢,坐喺我附近嘅就有福喇,反而攞唔攞到獎鬼知咩,呢啲都控制唔到。問到影后心水?阿聰表示,「個人喜好係鄭秀文;私人分會留畀拍檔袁澧林。」

張繼聰及鄭秀文率先獲電影評論學會頒發影帝及影后。
張繼聰及鄭秀文率先獲電影評論學會頒發影帝及影后。

 

為免有太大壓力,講求養生的張繼聰飲中藥調理身體。
為免有太大壓力,講求養生的張繼聰飲中藥調理身體。

 

張繼聰早前憑電影《窄路微塵》在電影評論學會大獎首奪影帝。
張繼聰早前憑電影《窄路微塵》在電影評論學會大獎首奪影帝。

 

心態90幾樓咁高

如果摷埋金像影帝,張繼聰坦言有助日後拍戲時,在劇本上的參與度可以去到另一個階段。問到係咪會升Grade,拉近跟天后級老婆謝安琪的距離?他答得淡然:「我個心態有90幾樓咁高喎,重點已唔再介意啦,如果要證明畀人睇,呢個遊戲到死都唔會完,就算奪得金像影帝,啲人都會『唓!』咁我係咪要攞埋奧斯卡?最慘為咗啲得閒街坊,無聊打幾隻字話『靠老婆,垃圾嚟嘅』去奪獎。人哋對我睇法永遠有佢嘅自由,我都有我自由去認同或者唔認同,更加有自由點樣過人生,同埋經過以前密集式(負評)訓練仲有乜好介意呀!幾十歲人唔使諗振夫綱啦。」

阿聰有個健康融洽家庭,所以能全心全意放喺事業上。
阿聰有個健康融洽家庭,所以能全心全意放喺事業上。

 

阿聰有機會上金像獎頒獎台致謝詞嘅話,一定會多謝老婆謝安琪照顧得屋企超好。
阿聰有機會上金像獎頒獎台致謝詞嘅話,一定會多謝老婆謝安琪照顧得屋企超好。

 

同老婆謝安琪多年來恩愛不變。
同老婆謝安琪多年來恩愛不變。

 

盡快實現導演夢

張繼聰堅持有討論區就有討論,作用就是表達睇法及宣洩情感,連米高佐敦打波咁勁都被批評就學會釋懷,作為好演員,有冇做好角色最重要:「就算我幾努力,𠵱家仲有人對我有偏見,我要為嘅都為支持者,而唔係呢啲緣份較淺嘅人。」他慨嘆呢行要被評頭品足,受人抨擊好殘酷:「坦白講,就算行外人喺茶水間、喺fb俾同事及朋友講壞話都會唔開心啦,慶幸年輕時遇到難行嘅路,令我慢慢搵到自在感覺,抨擊我嘅人都係菩薩。」阿聰又坦言唔係靚仔又冇天生明星相,注定要行實力派,都係天意安排。他又透露會努力實現導演夢,但唔會搵謝安琪演出,費事鬧交收場。

曾跟娜姐合作過。
曾跟娜姐合作過。

 

11年前阿聰事業低潮期,客串電視劇《老表,你好嘢!》時意外搵到自己定位。
11年前阿聰事業低潮期,客串電視劇《老表,你好嘢!》時意外搵到自己定位。

 

當年監製林家棟搵阿聰拍電影《死開啲啦》做第2男主角,令他開始對電影感興趣。
當年監製林家棟搵阿聰拍電影《死開啲啦》做第2男主角,令他開始對電影感興趣。

 

阿聰獲選中陪周星馳「審片」,對被點燈超興奮。
阿聰獲選中陪周星馳「審片」,對被點燈超興奮。

 

阿聰跟姜濤、呂爵安、邱士縉、郭嘉駿、梁業等合作拍ViuTV劇集《季前賽》,和年輕藝人零隔膜。
阿聰跟姜濤、呂爵安、邱士縉、郭嘉駿、梁業等合作拍ViuTV劇集《季前賽》,和年輕藝人零隔膜。

 

張繼聰曾角逐歌影視獎項,所以懂得調節心情,2014年曾獲TVB「飛躍進步男藝員」。
張繼聰曾角逐歌影視獎項,所以懂得調節心情,2014年曾獲TVB「飛躍進步男藝員」。

 

張繼聰(中)由童星出身。
張繼聰(中)由童星出身。

 

阿聰開過個人演唱會,歌壇上都有啲成績。
阿聰開過個人演唱會,歌壇上都有啲成績。

 

拍電影《飯戲攻心》拍得好開心。
拍電影《飯戲攻心》拍得好開心。

 

《星島頭條》APP經已推出最新版本,請立即更新,瀏覽更精彩內容:http://www.stheadline.com/
 

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

亞視台慶丨68歲柳影虹風韻猶存賀「娘家」生日 拍劇被踢歪盆骨搞到生不如死

孫慧雪挺巨肚落手落腳為囝囝搞奢華生日會 一家三口家庭裝變「滑嘟嘟」?

69歲鍾偉強激罕露面 撼贏張國榮後轉行賣保險 大難不死再戰《中國好聲音》爆紅

陳家樂踢波撞傷眼入院醫生叮囑禁郁動 連詩雅被笑不能床上運動勁尷尬

都市網新聞