最嬲男友講「冇所謂啦」港女發火狂鬧 網民回應建議出絕招......｜Juicy叮
男朋友掛在口邊的「冇所謂啦，你話事得啦」，原來會觸怒女朋友。有港女早前以「真係好怕啲人口講冇所謂，其實最有所謂就係佢」為題發文，力數男友不是。有見及此，網友也破了「寧教人打仔，莫教人分妻」原則，建議分手處理。
樓主呻「男朋友經常話冇所謂啦你話事得啦，其實根本佢就唔係冇所謂只係佢唔想諗」，並舉例指「要就佢放假時間揀5月尾去旅行，連揀機票都話冇所謂你話事。想慳啲揀廉航又嫌話冇飯食冇電視睇唔包行李咩都要加錢，揀非廉航又話太貴，不過你鍾意啦」。
樓主原文及網民回應：
樓主續稱「真係我鍾意嘅話我一早揀咗廉航啦，畀佢拖多兩拖連廉航個價錢都唔廉」。接著表示「幾經辛苦confirm佢請咗假買完機票，開始plan行程book酒店又嚟冇所謂你鍾意。諗完住邊區酒店又話住咁多日同一個地方好悶，佢話想去溫泉酒店，我叫佢搵間佢鍾意佢又話唔係你決定咩」。
樓主沒好氣地稱「基本上同佢講咩佢每句開場白都係冇所謂，但係問佢咁樣好唔好之後佢又有好多意見。其實你唔係真係冇所謂就唔好同我講你冇所謂啦。連平時食咩都話冇所謂，心入面個句你真係冇所謂不如你食屎啦」。
回應的網友大多站於樓主這邊，指「咁口不對心好難相處」、「哩啲男人無主見，係咁」、「冇主見男人，一有大獲嘢一定閃！」、「講真，我係男人都好x憎呢d人，難聽d講句正一屎忽鬼」、「出咗事，唔使俾你鬧，佢醒目呀」。
另有網民問「係咪你追佢㗎？就得佢咁緊要嘅」、「明顯樓主緊條仔好多囉」。由於網友大多怒氣沖沖，紛紛建議作分手處理：
•「分手啦！」、
•「飛起佢」、
•「呢種人好無癮，拍拖咁樣無意思」、
•「好明顯當妳工人啦！忍到就忍，忍唔到就分手囉！」、
•「飛咗佢，根本唔夾，將來人生所有重要決定，佢都係無所謂，痛苦只有你一個」、「好明顯當妳工人啦！忍到就忍，忍唔到就分手囉！」。
有冷靜的網民則提醒「佢可能想就你」、「口頭禪嚟啫，唔好咁認真」，建議「開心見誠溝通吓，唔得再想辦法。唔好害人害已」，和「叫佢一齊plan啦！我都好怕哩d人，一係plan前問下佢有冇咩特別想去，同埋budget幾多」。
有人表明「認真回答」，指「很多人回答『無所謂』、『唔緊要啦』，唔一定要分啱或錯，其實是一種保護機制，無論事情以後變得有幾差，他好快就會解釋，早都話無所謂唔緊要㗎啦！來自我安慰一番。這類人無論對其他人和自己都不願意付責任，只要一出事就推得一乾二淨，而且心安理得，不會有內疚感」。最後有佛系網友出場，指「有機票酒店後，行程是旦都得」。
帖文來源：香港討論區
相關新聞：
呻與夫平淡如水 人妻發帖圍爐竟突然自爆曾有外遇......
同場加映：
情侶慶生「打得火熱」蠟燭焫著頭髮 好事網民想睇埋後續
一對情侶捧著生日蛋糕慶祝生日，蛋糕插著的蠟燭意外燒著只顧接吻的男方頭髮。黑衣男在與女友嘴對嘴的甜蜜氛圍中發現頭髮著火時一臉茫然，甚至無危機意識地徒手觸摸火燄，反而網民懂得緊張發問「佢唔痛㗎咩？」。
有網民以「拍拖拍到自己都變埋生日蛋糕」為題，在facebook討論區轉載一段短片，見到一對情侶甜蜜慶生，在兩人吻賀期間，黑衣男的頭髮被又長又幼的蠟燭燒著。
生日蛋糕焫著頭髮實況及網民回應：
透過片段目睹事發經過的網友半信半疑，質疑「啲頭髮有咁容易燒著咩？」，回應的人指「有噴定型水gel就有機會，聽講」、「頭髮是很容易燃的」、「頭髮係容易著，但會唔會仲有層發泥發膠？」。
對於這個錫出火畫面，好事的網民都飽吃花生，指「果然係『打得火熱』呀吓！」、「想睇埋後續」、「好投入，所以要付出」。有人形容為《龍珠》「超級撒亞人嘅火焰」，並提醒「色字頭上一把火」。
---
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
