古天后日志｜银行危机暂缓解 港股反弹至20及250日线阻力大

3月22日，日间短暂时间有阳光，间中有一两阵骤雨，天气和暖。隔晚美股喺联储局议息前全面做好，有消息指美国政府或可能向所有传款作出担保，银行股反弹，道指升316点；标指重上4000水平，升51点；纳指则升184点。标指守咗3800-3900支持反弹，阻力位将会系4100-4200左右，后市都要视乎议息结果，今晚联储局议息，以目前嘅情况，市场已预期息口见顶，经过今次嘅银行业危机，加息0.5%已经无乜可能，惟通胀高企下，加息0.25%系超过八成市场预测嘅情况，至于维持息率不变唔加息亦非无可能，就算今晚FOMC议息结果如何。

美国政府有意担保所有存款，确有助挽回市场信心，但小心淡友又出嚟搞搞阵，以FRC为例，隔晚股价早段曾反弹逾六成，但高位有见空军来袭，收市升幅削半，至盘后股价继续受压，睇嚟空军暂时未肯收手。空军嘅玩法就系大手沽空银行股，逐只击破，令银行业动荡不安，摧毁市场信心，令存户挤提。银行存款被大量提走，股价大跌，逼令银行贱价卖资产，政府出手。其实空军嘅所作所为，其实明显易见，依家政府出手保存款，虽然可挽回市场信心，但未能阻止空军嘅沽空行为，试想一下，既然存款已得到保障，即系再有银行挤提都有政府包底，喺风雨飘摇嘅情况下，只要稍有风吹草动，再有银行传出流动性不足，自然会再次引发挤提，咁即系银行股股价又再插水，空军不断沽空不同银行股，轻而易举地喺市场揾食，没完没了。

要击退空军，非常时期利用非常手段，简单直接以行政指令，喺呢段时间禁止任何银行股嘅沽空，呢个做法喺2008年金融海啸发生时已做过一次，当时美股插手，市场崩跌，国会紧急通过裸空，即系唔可以无货喺手而沽空，其实依家同样可以用呢个做法去阻止空军揾食，无奈美国政府仍有政治因素要考虑，加上唔想畀人指控过份干预市场，所以未有采取相关行动。

不过暂时环球银行危机叫做有所缓解，市场反弹亦属正常，港股有望先修复10日及100日线，大约系19400-19500水平，至于20跟250日线嘅汇聚区19800-19900阻力唔细，睇怕就无咁容易修复，若然有货喺手，睇睇呢啲位要唔要减磅，目前都系轻仓上路较佳。加上踏入业绩期，唔排除业绩一出，唔少股份可能又系见光死。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。