林敏驄演唱會｜搵湯寶如做「關淑怡替身」 百厭精上身白煙狂噴郭柏妍
林敏驄在西九龍竹翠公囡舉行40周年騷Part2《蘇格蘭場今天星閃閃林敏驄暨車總腦交戰時日如飛40週年成人禮作品展演唱會之PART 2更精采》頭場，演唱會於晚上6時20分開始，坐上客包括薛家燕。首晚表演嘉賓名單未見關淑怡，太極樂隊的雷有暉與鄧建明為表演打頭陣，二人再與林敏聰合唱《自你去後》。隨後有糖妹後、劉浩龍、關嘉敏等，她著閃片小背心唱《變變變》，而布志綸唱《幻影》時不慎走音，他唱畢稱痰上頸。當曾比特上台時，林敏驄戴爆炸頭假髮自封「邱比特」，又問「你老豆整蠱你？真名定假名？有冇聽過比特幣？」一輪寒暄後由曾比特唱經典作《無心睡眠》及《假如》。隨後阿驄稱「搵極都搵唔到關淑怡！」然後介紹湯寶如出場，阿驄繼續曳亂講嘢：「想搵寶麗金三小花，黎瑞恩係生意人，心廣體胖出唔到𨋢；劉小慧又要睇住蘇志威！」然後湯記唱出關淑怡的《再會》。
相關閱讀：林敏驄演唱會｜西九騷台上出意外 嘉賓鍾鎮濤突然失平衡向前仆
【點擊睇林敏驄演唱會現場情況】：
何超儀出場時台下樂迷歡呼，她唱出由其樂隊The Uni Boys作曲、林敏驄填詞的《何飄移》，隨後她又介紹24味出場合唱，不過其老公陳子聰未有亮相。阿驄又表示很多歌自然地流行，覺得自己好幸運，有些人一生都寫不出一首作品，又笑言數不清自己有幾多作品：「億萬富翁咁，就好似何小姐（何超儀）唔知自己有幾多錢咁！」隨後阿驄指梅艷芳的《夢伴》從來都是被大家爭住唱，而今晚請來了「梅姐本尊」，未露面的江欣燕扮梅姐說：「我在上面睇你，在Youtube上面睇你！」然後她以一身梅姐造型及腔調唱《夢伴》引起歡呼聲。
【點擊睇林敏驄演唱會現場情況】：
阿驄請來《下流上車族》的家人郭柏妍、江美儀與羅毓儀與主唱的文凱婷合唱《一家人》，羅毓儀自彈自唱日文歌《Slam Dunk》，隨後有「魔音芊芊」外號的郭柏妍更挑戰《跳舞街》，但被文凱婷與鍾柔美的跳唱版本比下去，隨後他更請劇中「小三」黃嘉雯上台，倚在他身邊彈唱《想你》。阿驄感觸表示，很感恩有天賦作曲，有大家支持是他的驕傲，隨後唱出一切開始的《這是愛》。而安歌環節壓軸嘉賓有鍾鎮濤，他與阿驄合唱《愛在深秋》後不慎跌倒跪低，演唱會以大合唱《深愛著你》作結。阿驄騷後受訪，問到下次開騷計劃是幾周年？他笑言想很快，在兩個月後開，問到是否找不到關淑怡？阿驄稱是「搵佢唔島」，又指第二晚嘉賓陣容有少少不同，而郭柏妍是否擺脫「魔音」，阿驄笑住搖搖頭說「自生自滅啦」，問可會再帶一家人演出或巡唱，阿驄表示「家人」都好忙，要開完兩場騷再計劃。
下載「星島新聞(加拿大版)」App，隨時看到最新最快新聞：
iPhone：https://apple.co/2IBi812
Android：https://bit.ly/2Pe8anu
訂閱加拿大星島網電郵快訊，每天可收到最快新聞資訊電郵： https://www.singtao.ca/subscribe/singtao.php
>>>訂閱CCUE YouTube 頻道，查看更多吃喝玩樂、生活資訊影片。
