Marf到首爾出活動興奮跟李敏鎬宋慧喬同場 希望同朴寶劍合作激讚好Cute

香港女團COLLAR各成員工作浪接浪，繼許軼與王家晴日前飛抵韓國首爾拍攝旅遊節目後，邱彥筒(Marf)最近亦獲時尚品牌FENDI邀請，慶祝品牌在首爾首間旗艦店PALAZZO FENDI SEOUL隆重開幕，昨晚Marf與吳家忻到韓國東大門設計廣場出席派對活動，同場還有韓國藝人李敏鎬、宋慧喬、安俞真、金多美及Zico等，曾是韓劇迷的Marf表示未出發先興奮，笑言此行感覺夢幻。

首次出埠參與時尚品牌活動的Marf，透露出發前一晚興奮致徹夜難眠：「好緊張，好驚帶漏嘢！實在太驚喜，始終第一次出埠進行呢類活動，好感恩所有嘢都安排好齊全，團隊亦對我照顧周到。」Marf亦透露為了今次旅程，事前做足準備，重溫了過往曾經有興趣的韓文。

Marf首到韓國出席活動

 

 

 

 

 

Marf遇韓國男神李洙赫

 

此行最叫Marf感興奮，莫過於跟一眾韓國藝人同場，曾是韓劇迷的她大叫感覺夢幻，Marf表示：「以前好鍾意睇韓劇，呢一兩年少睇咗，不過現場韓國演員演嘅作品，我都有追過；能夠見到佢哋，感覺好特別，因為韓劇對於我同好多人嚟講，都係好夢幻世界，能親眼見到佢哋，感覺好似好唔真實咁，但同時又真實得好緊要。」而芸芸韓國藝人當中，Marf表示最希望跟朴寶劍合作，她說：「留意咗佢好耐，由佢做模特兒工作、唱歌演出、跳舞演出、劇集，全部都有睇，以前我好鍾意佢，知道佢工作態度好有禮貌，好有風度、專業，好值得學習，希望首先可以同佢拍戲，然後同佢一齊影相，跟住再同佢一齊唱歌跳舞，雖然跳舞唔係佢主線，但佢跳舞好得意。」

 

金多美

 

金多美

 

朴炯植

 

宋慧喬

 

 

李敏鎬

 

宋雨琦

 

 

安俞真

 

 

李敏鎬明顯發咗福

 

 

 

 

朴寶劍真係好得意,Marf真識貨

 

此外，提到兩位隊友Day與Candy亦同在韓國工作，問到Marf可有抽時間探望對方？Marf透露今次行程中，她除了有爭取時間品嚐韓國美食，亦有去探班與Day、Candy見面，Marf透露：「難得大家出埠都喺同一個地方，要睇吓佢哋過成點，尤其特別擔心Candy，佢第一次自己出埠，所以探吓佢哋，一齊食消夜。」

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。