群姐興奮拍炸雞廣告同粉絲一齊食 因為貪靚搵多咗使得仲多

許思敏（群姐）到中環碼頭為韓國炸雞店CHIMAC擔任代言人，化身女神與粉絲享用炸雞放題，獲粉絲歡迎並親筆為粉絲簽名。對於被形容是女神，群姐表示好開心，因為有粉絲撐場才有機會做女神，覺得感動，問群姐一角受歡迎是否接不少工作，她笑言：「無10個、8個啦，搵我拍炸雞廣告都開心。」她笑言自己也喜歡食炸雞，可以和粉絲一齊食好開心，也想和《愛·回家》一班拍檔一齊食，問可會和孫仔食？群姐笑言：「當然會，孫仔都好捧我場，我會畀佢哋食，孫仔都10歲啦！我都想做婆婆，不過3個都係仔，孫就4仔1個女。」

被稱女神好開心

 

 

 

群姐同粉絲

 

群姐好鍾意食炸雞

 

 

群姐直言大家都不會叫她本名，大家都愛叫她群姐及Isabella，但她不會介意，更開心因此接到不少廣告，特別是家庭用品，更會安排她以群姐的角色上陣，以搞笑開心為主。問可會有更多劇集找她演？她笑言：「沒有幾組戲在身咁誇張，我都有拍其他劇，大家都會和TVB傾，其實我沒有大家想像咁忙。」問到接廣告收入大增如何花費？群姐表示：「我都想去旅行，不過和好多女士一樣，我都貪靚架，啲錢拎去買衫、做美容保養，因為現在多人認得我，當然想扮靚些、大家見到都覺得精神，所以收入多、花費都多了。」

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。