給十九歲的我|張婉婷自認做得唔足夠 對阿聆公開道歉:希望仲記得我哋呢10年嘅情誼

由張婉婷執導的紀錄片《給十九歲的我》因片中其中多名主角向雜誌以萬字文大控訴,指校方及導演張婉婷未有理會學生反對,堅決讓電影公映,引起網民熱烈討論,而疑「被上鏡」的本港單車運動員李慧詩亦公開表示對電影製作、拍攝以至導演張婉婷處理手法不滿,事件風波不斷,張婉婷昨日宣佈電影今天(6日)開始暫停上映,直至釐清所有法律問題後,再作下一步安排,今早她接受商台節目《在睛朗的一天出發》電話訪問,對於今次未得到6位
同學的一致同意而公開放映,她說:「所有嘢都係要法、理、情呢三方面,法律方面,我都唔想講,係唔可以用法律嚟隔啲女仔,所以我覺得學校其實都有做,理同情,我諗我哋喺情嗰邊做得唔足夠,所以令到女仔咁困擾,喺呢方面我係要道歉。」

【張婉婷《給十九歲的我》分享會】:

 

反對公開放映的「阿聆」,一直沒有參與電影宣傳活動。
反對公開放映的「阿聆」,一直沒有參與電影宣傳活動。

 

剛奪香港電影評論學會「最佳電影」榮譽的《給十九歲的我》,在爭議聲中暫停公映。
剛奪香港電影評論學會「最佳電影」榮譽的《給十九歲的我》,在爭議聲中暫停公映。

 

導演張婉婷昨晚在電影爆出爭議後仍連走多場分享會。
導演張婉婷昨晚在電影爆出爭議後仍連走多場分享會。

 

導演張婉婷昨晚在記者會後仍有現身暫停公映前最後一場分享會。
導演張婉婷昨晚在記者會後仍有現身暫停公映前最後一場分享會。

 

張婉婷昨晚在旺角一家戲院出席暫停公映前最後一場分享會時,被一名光頭男子離遠指罵。
張婉婷昨晚在旺角一家戲院出席暫停公映前最後一場分享會時,被一名光頭男子離遠指罵。

 

現場戲院工作人員嘗試阻止光頭男走近張婉婷。
現場戲院工作人員嘗試阻止光頭男走近張婉婷。

 

光頭男離遠爆粗指罵張婉婷。
光頭男離遠爆粗指罵張婉婷。

 

不斷爆粗說:X你老母張婉婷!
不斷爆粗說:X你老母張婉婷!

 

又大鬧:食人血饅頭!
又大鬧:食人血饅頭!

 

張婉婷被嚇至差點跌倒。
張婉婷被嚇至差點跌倒。

 

張婉婷被嚇至差點跌倒。
張婉婷被嚇至差點跌倒。

 

張婉婷昨日傍晚臨時開記者會公開交代事件。
張婉婷昨日傍晚臨時開記者會公開交代事件。

 

《給十九歲的我》劇照。
《給十九歲的我》劇照。

 

張婉婷亦坦言對事件的演變感到有點愕然:「我哋識咗10年,以為係好friend,除咗喺學校拍攝之外,仲有拍其他短片,又或者去佢哋啲工作,好似接廣告,我都會幫佢哋睇,又或者想租啲地方搞聯校活動,我都會幫佢哋搵啲免費場地,我喺情方面,以為呢個係喺咁多年入面,係有一個聯繫喺度,但顯然應該要做多啲。」主持問到這些部份有否包括阿聆在內?張婉婷表示有,其後再問何時得知對方一直不希望公開放映一事?張婉婷則說:「我之前都有同啲女仔講過會公開放映,所有當事人都在場,只係有一個女仔走咗話想拍,其實係可以隨意走,人係比電影重要,任何女仔係可以隨時離開唔拍,喺佢哋F5、F6嘅時候,我同佢哋講話有發行公司對呢部戲好有興趣,繼續留喺度嗰啲,我理解為係接受咗發行呢一件事。」

阿聆曾經在訪問上提過,以為公開只是DVD,以及校內籌款,未有想過是公開放映,張婉婷亦說:「或者係有呢個誤解,我話係喺戲院做,佢哋好高興,咁係戲院做即係公開放映,我係電影界係會理解,但佢哋係學生,可能唔理解。」主持再問期間阿聆有否強烈表達不希望公開放映?張婉婷則說:「之後就有喇!我哋剪好晒,喺校內一個籌款活動度播,阿聆就話佢唔想呢套戲公開放映,我哋研究咗都一段時間,由校內放映到電影節,差唔多有8個月喺度研討,點樣處理呢套戲,嗰陣時佢都可以包場或者做電影節,公開放映係有保留,總之係唔想有咁多觀眾,不過我真係唔係好理解,包場同電影節都有好多觀眾,所以而家知道佢有呢個諗法,慢慢同佢傾,我希望大家唔好炮佢,佢應該唔習慣面對傳媒。」

後來,主持表示希望了解事件,阿聆由始至終都未有簽同意書,但為何仍會公開放映?張婉婷則說:「學校一直都尊重佢嘅意願,一直都包場,嗰陣觀眾對電影同角色反應好好,得片中啲女仔好勇敢同可愛,覺得公映唔會有負面影響,所以喺今年2月決定公映。」張婉婷又指,參演學生於2011年曾簽署公映同意書內,已經連同會有放映活動:「阿聆嘅家人都話畀我哋知似平復咗,而且佢嘅家人亦有到場觀影,大家都認為阿聆已解開心結,於是喺阿聆無簽署第二份同意書下決定公映,我哋唔知道原來佢有咁多問題喺度,我作為導演,覺得外間對佢哋所有評論都係正面,完全冇負面,係安心嘅,就算簽咗乜嘢,我哋都唔會用法律加諸喺佢哋身上。」

張婉婷亦坦承如果她真的係不願意公映,電影將不再上映:「我想向佢表達,我對佢嘅困擾真係唔好意思,係我對佢唔住,希望佢仲記得我哋呢10年嘅情誼,你開心返啲啦,我哋而家唔做喇!」她又指呼籲大家不要騷擾她,她不習慣面對這類事情。
另一方面,對於李慧詩對「成為電影一部份」不知情及感到不滿,張婉婷亦指打算向她道歉,原來她都是不知情,她指當日是單車隊的榮譽董事負責安排採訪,「有同佢講我哋係一個學校紀錄片嚟嘅,因為唔係好知點樣同青少年解,比賽定係讀書呢個二選一嘅難題,所以李慧詩能夠談談其經歷,藉以作鼓勵。」但她承認,李慧詩倘在不知情下成為電影一部份,相信對方會感到錯愕:「如果李慧詩唔知情,我都想打電話同佢道歉。」

至於受到外界攻擊,張婉婷被問情緒有否受困擾,她只說:「我而家都唔講呢啲,只係希望有份參與呢套戲嘅人,大家互相研究同幫助。」她又稱自從男友羅啟銳去世後,心中就像有個「黑洞」,「電影上畫就好似俾咗個花園仔我,去灌溉,好忙咁樣栽種,就可以避免成日跌入黑洞。而家花園仔就遇到颶風,而家就去咗黑森林自己摸索緊。」

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

87年亞姐冠軍邱月清性感不再!首位拍三級片亞姐 《三度誘惑》濕身戲曾成熱話

黃美棋結婚丨被《東張》主持搶先披露婚期 親回公司派喜帖心情靚爆

前亞視小生內地登台目露凶光突發火 網民竟一面倒叫好?與港姐老婆誕清秀囡囡

「飛爺」鄧智堅竟撞樣張智霖 藝訓班導師桃李滿門竟是《婚後事》功臣?

都市網新聞