古天后日誌｜港股調整持續 分段收集受惠政策扶持股份

2月6日。大致多雲，早晚沿岸有霧，下午部份時間有陽光，氣溫略為回升至20度以上。美國上月新增非農就業職位遠多過預期，市場再度憂慮FOMC持續加息，美匯及債息上升，加上多隻重磅科技股業績差過預期，亞馬遜及Alphabet分別挫8.4%及2.7%，拖低大市。道指重返34000之下，上周五跌127點；標指仍守4100之上，但跌咗43點，至於納指則跌193點，險守12000水平。一星期累計道指跌0.15%；但標指仍錄得1.6%升幅；納指更連升五個星期，上周升3.3%，係2021年底以嚟最長升浪。至於港股上周五ADR跟夜期均見下跌，預期今日港股低開，延續上周調整之勢。

內地進一步開放中港兩地通關，包括新增通關口岸，以及不再設限額人數，不過通關消息已炒作咗一段時間，市場早已消化相關通關消息，再落嚟就係要睇中港兩地經濟如何發展。自去年低內地調整防疫政策後，同時配合政策出台挽救經濟，加大推出擴張型政策。1月份經濟領先指標製造業PMI與非製造業PMI都重回50臨界點之上，反映國內製造業與服務業景氣回升，因國內政府繼續推行寬鬆貨幣政策與擴張性財政政策，國內經濟將進入復甦期，企業業績將好轉，人民幣能繼續升值趨勢，利好於港股、A股等中國資產表現。

從近日不同央行議息結果分析，唔少央行已放緩甚至暫停加息，喺通脹壓力減弱後，各地政府重心從對抗通脹逐步回到恢復經濟增長，有利國際資金回流股市。不過，雖然美聯儲局加息接近尾聲，但聯儲局緊縮政策並非正式轉向，繼續加息與縮表。認為市場對利率高點與縮表節奏睇法仍存在分歧，將使短期漲幅過大嘅市場出現調整可能，然而從中線看，美國已進入加息後周期，市場每次調整都係中線買入機會。

不過短線兩地股市有調整壓力，畢竟上個月，尤其港股短線升勢較急，為咗走得更遠，調整係合理而必須。不妨趁本輪調整，收集受政策扶持行業，包括新能源氣車，綠能及數碼產業等板塊。至於監管已靠一段落，有望今年翻身嘅互聯網科技及醫療生科等股份，亦係趁低吸納嘅對象。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。