江嘉敏扯開感情話題自爆被多位監製勒令減肥 前空姐史穎喬被裁嬲到決不回頭

江嘉敏今日出席新劇《新四十二章》宣傳活動，現場更有粉絲非常應節地向她送上花束慶祝元宵，問她晚上是否已約人，她就因工作關係已有接近兩星期沒見家人，故今晚將會與家人食飯，問她情人節是否有約？她即扯開話題說：「希望公司有多啲嘢畀我做，因為初一返咗工，係一個好開始，我亦覺得應該忙多啲同專注工作，賺多啲錢！」江嘉敏又笑指最近不約而同收到不同監製的減肥通知，現在已開始節食：「健身室都慢慢開返，鄺潔楹本身有開健身室，而家約緊時間，佢真係好好，拍攝嘅時候佢除咗係一個好好嘅拍檔之外，仲係我嘅營養師同按摩師。」

江嘉敏今日出江嘉敏喺新劇《新四十二章》宣傳活動上，收到粉絲送上花束。

 

江嘉敏正節食減肥中。

 

活動中和龔嘉欣玩拗手瓜。

 

江嘉敏喺新一年想多啲工作。

 

紅噹噹嘅江嘉敏都想多啲桃花運，有多啲粉絲支持。

 

江嘉敏有份拍嘅《黃金萬両》剛播完。

 

江嘉敏笑言生得太「細粒」有位可以匿埋。

 

監製陳維冠都要求江嘉敏減肥。

 

江嘉敏成日有神秘人送花！

 

另外，在該劇飾演龔嘉欣好友、曾參加《衝上雲霄大選》的史穎喬，近日備受關注，沒有太多演出經驗的她表示今次是自己第一個真正的角色，看回演出片段亦發現有很多不足，問到嘉欣是否有教她做戲？她聽後即說：「我好鍾意佢，我係佢頭號粉絲，手機仲有參加節目時同佢嘅合照，佢都教我好多，始終我冇上過藝訓班，佢都叫我唔好緊張。」提到近日備受網民關注，她表示有留意，但感覺則誠惶誠恐：「因為知道自己有好多不足，演員路仲有好長要行。（係咪唔會再做空姐？）唔會，我係俾人炒，唔會再考慮，離開嗰時個email我填咗唔會返去，因為嗰陣太嬲。」

史穎喬近日喺新劇《新四十二章》備受關注。

 

史穎喬開始有粉絲。

 

史穎喬決不重返航空業。

 

史穎喬係龔嘉欣頭號粉絲。

 

史穎喬係被裁嘅前空姐，曾參加《衝上雲霄大選》。

 

新劇《新四十二章》係史穎喬第一個真正的角色。

 

《星島頭條》APP經已推出最新版本，請立即更新，瀏覽更精彩內容：http://www.stheadline.com/ 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。