《立場》涉煽動案|控方指員工卡片印上「星星之火」令人聯想「星火基金」

《立場新聞》前年停運前1年多,涉嫌發布17篇煽動性文章,前總編輯鍾沛權、署任總編輯林紹桐連同註冊公司否認煽動刊物罪受審。控方今午(27日)於區域法院指《立場》特刊《立誌》中有員工卡片,卡背印上「星星之火」,令人聯想「星火基金」,又問版面用黃色底色可有特別意思?鍾沛權反駁「點解刑事檢控攞出來嘅證據咁薄弱之餘,係加諸咁多聯想猜測?」批評控方「將黃色孤立抽出來做聯想噉都得嘅時候,又唔講(鄰頁)藍色喎,呢個訊息同傳媒來講太恐怖囉」。案件下週五續審。

《立場》特刊《立誌》其中有兩頁「場內」印有員工卡片,鍾沛權提到卡背提供自由空間讓員工選擇用字,反映個性原則,控方署理高級助理刑事檢控專員伍淑娟回應有員工選擇「星星之火」會令人有聯想。鍾沛權愕然指「吓,星星之火都可以有聯想?」反指任何一句都可以聯想,反問「睇完有無感受到一班年輕新聞工作者嘅熱誠?」伍淑娟則指「星火我當然係諗『星火基金』啦」。鍾沛權反駁稱有同事印上「風林火山」,「前線警員好似都有,你有冇聯想到我同事?」鍾沛權續指刑事檢控時若透過聯想和「不言而喻」,令到有人還押、傳媒關閉,反問對言論自由造成的寒蟬效應「係咪大到不符比例呢?」又問「點解刑事檢控攞出來嘅證據咁薄弱之餘,係加諸咁多聯想猜測?」

伍淑娟問到若其員工帶著強烈立場去採訪「好危險」,鍾沛權反問每個人一定會有政治信念,是否代表從事專業時會受政治信念影響呢?「我覺得唔係囉,好多崗位工作有專業規範」。伍淑娟直言「可唔可以話(立場員工)全部都係黃色嗰邊?」鍾沛權指未曾逐一傾談,無法簡單標籤各人,伍淑娟又問「如果有個同事係藍人,見到醜化警隊唔會鬧交咩?」另外又問「有冇聽到人(同事)贊成立《國安法》?」、「有冇人話我支持警察?」鍾沛權反問「會唔會有人突然同我講『我支持警察』?冇嘅,但調返轉會唔會有人突然同我講『我反對警察』?都冇。」

伍淑娟進一步質疑「場內」2頁使用黃色底色,鍾沛權詫異道「我諗都冇諗過有咩特別意思⋯⋯如果揭去30頁個底色係藍色,隔籬係橙色㖭喎」,續指「有啲噉嘅聯想咁無邊無際,出現喺刑事審訊嘅盤問當中,比我想像再⋯⋯」批評控方「將黃色孤立抽出來做聯想噉都得嘅時候,又唔講藍色喎,呢個訊息同傳媒來講太恐怖囉」。

伍淑娟重提區家麟一篇評論文章,逐字逐句理解含意,質疑未有提到事實根據。鍾沛權重申評論文章風格各有不同,有人簡潔精煉,而區文言之有物,有討論空間,若要每句質疑,則「無論咩陣營文章都冇可能刊登」。鍾沛權否認文章引起憎恨,直言「正正因為政府先要承受最嚴苛嘅批評,佢哋受得起㗎,因為佢哋用公權力」,公民亦「正正需要自由言論空間去疏導同發表,先唔會滋生強烈不滿情緒」。鍾沛權又云區文「好有前瞻性,以言入罪包括我哋單案,係發生緊嘅」。

法庭記者:陳子豪

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

龍翔道四驅車陷火海傳爆炸聲 司機跳車逃生

社區的事|屯門夜繽紛「夜屯園」再現懷舊香港招牌 民政專員:傳承霓虹工藝說好香港故事

尖沙咀藥房両變錢劏內地客 3藥材磨粉索價$1.5萬 海關拘男店員

又中又英|To bite the hand that feeds you

都市網新聞