胡慧冲對泰國貢獻受肯定 跟任達華 米雪獲頒旅遊大使感動爆喊

2005年在泰國四面佛發生炸彈爆炸事件後一個月，米雪、任達華及「泰國通」胡慧冲(Roger)曾應邀到已重修嘅四面佛祈福，振興當地旅遊事業。事隔18年，最近影帝任達華與米雪再應邀到泰國，跟Roger一起獲泰國政府旅遊局頒發「泰國旅遊大使」，其實Roger早於10年前已獲嘉許「泰國旅遊大使」，今次係第二次得到該榮譽。同時向3人發出The Thailand Elite Card精英卡，在5年內可以自由出入泰國，以肯定他們對泰國的貢獻。

胡慧冲跟任達華與米雪一起獲泰國政府旅遊局頒發泰國旅遊大使。

 

其實十年前胡慧冲曾獲頒發泰國旅遊大使。

 

獲嘉許嘅Roger喺台上激動爆喊：「因為泰旅局局長開始致詞時話欠咗我哋3個，當年四面神爆炸事件，佢好想親自答謝我哋，但各種因素下加埋疫情未能做到，𠵱家喺適當時候應該做返啲嘢，聽到我好感動，喺台上真情流露喊到好醜樣，相反華哥及雪姐加插嘅泰文致謝詞好得體。」

Roger聽到泰旅局局長致謝詞時激動爆喊！

 

Roger多謝政府旅遊局頒獎給他，對他認同。

 

胡慧冲、任達華、米雪喺2005年泰國四面佛炸彈爆炸事件，曾出力振興當地旅遊事業。

 

華哥曾去過泰國過百次。

 

四日三夜嘅Friends of Thailand之旅中，「任雪冲」組合除了齊齊去拜四面佛外，又去著名的金佛寺參見僧王祈福及去唐人街食地道嘢，之後應曼谷市政府安排到唐人街出席晚會，Roger唱出《冲遊泰國》主題曲尾句「你要記住泰國冇問題」乘機唱好泰國。多天行程都有安排保鑣，隔開追住影相嘅途人，Roger說：「最深感覺係華哥及雪姐好親民，主動跟同fans影相及交談，華哥又好照顧我，自問大家都唔同grade，我又唔夠面皮厚做唔到攝石人，但華哥會叫埋我一齊合照，唔會掉低我；米雪仲會照顧同行嘅雪梨仔女，佢唔止係大美人仲係大好人。」

胡慧冲安排冬蔭妹夜會米雪，分享當地媒體嘅報道。

 

「任雪冲」組合到唐人街出席晚會。

 

影相時華哥總會預埋Roger一份。

 

多天行程都有安排保鑣，沿途唔少傳媒追住3人影相。

 

三人去唐人街品嚐地道美食，華哥及雪姐為Roger抹嘴。

 

去著名金佛寺參見難得一見嘅僧王。

 

Roger跟任達華、米雪齊齊食團年飯。

 

胡慧冲、米雪、任達華一齊去拜四面神。

 

「任雪冲」組合展開泰國旅程喇！

 

胡慧冲喺亞視年代經已認識米雪。

 

《冲遊泰國8》會喺2月6日晚開始，逢周一至五晚10點半J2台播出。

 

冬蔭妹會「露半球」跟他齊齊搶fo。

 

胡慧冲扮搞笑財神。

 

《星島頭條》APP經已推出最新版本，請立即更新，瀏覽更精彩內容：http://www.stheadline.com/
 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。