世界杯2022｜专家分析:塞翁失“马”焉知非“福”

世界杯衞冕冠军法国喺八强遇上欧国杯亚军英格兰，呢场强强对碰无疑系一场冠军前哨战。佢哋由分组赛阶段，直到杀入八强同样充满说服力，亦都分别克服咗突发伤兵同耗员问题。

应届欧洲足球先生宾施马喺世界杯前最后一刻嘅受伤缺阵，对法国对嚟讲系最大嘅损失。好在代替佢嘅老将基奥特今届表现神勇，已经为球队贡献咗三个入球。之前基利安麦巴比曾经表示过伙拍基奥特令佢踢得更舒服，佢获得嘅五个入球亦证明所言非虚。

英格兰方面早前有宾韦特因为私人原因离队，另外翼锋史达宁因为屋企遭爆窃，亦都已暂时离队返咗伦敦。好在锋线方面无论布卡约沙卡、菲尔科顿抑或美臣蒙特都能当大任，而且估唔到拉舒福特作为后备杀手亦表现得相当称职，佢同沙卡已经各入三球成为队中神射手。

呢两支球队无论边队最后出线，都唔值得奇怪。“麦总”加“银河唯一”固然头顶脚踢样样有，“阿倾”拍着一班后生仔都绝对有数讲，而且“福哥”更可能成为改变比赛嘅一路奇兵！既然大家都有咁嘅攻力，就算两队主帅再保守，都难以阻止对方入球。　　—球乐

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。