世界盃2022｜專家分析:萄窮匕現 屠獅祭旗

無乜幾多人比祖雲達斯球迷會更了解C朗拿度吸血鬼Debuff隊友的作用，在對瑞士當日的短打文已說，若果葡萄牙收起C朗，就會現真身大炒瑞士，諗住三粒起跳、四球盡，但真係估唔到廢朗Debuff個作用咁爆，開埋主其他囉！

葡萄牙幾屆大賽一直坐擁媲美法國的人腳，但就係一直被吸血鬼纏身而未能在一六歐洲稱霸後再交出成績。人就係咁賤格，係要去到窮途末路，先至逼出潛力。

馬高一向非常睇好摩洛哥呢隊北非「阿特拉斯雄獅」，費倫天拿防中蘇夫恩岩拉伯特更係全意甲最強防中，曾以一己之力，戰平如日方中嘅拿玻里中場。摩洛哥面對西班牙能百二分鐘都保持一致地防綫不失，一定唔止係西班牙差，更係摩洛哥強。可惜，H組的加納、烏拉圭何嘗唔係防守專家，咪又頂唔住葡萄牙？摩洛哥今場一對中堅都怕且唔出得，傷兵滿營可如何？完了吧！如無意外。

摩洛哥九戰不敗只失兩球，但馬會壓到葡讓半一低水，推介上盤，2:0。    -馬高

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。