世界盃2022｜專家分析:荷蘭似足○六意大利

馬高係三十幾年意粉，但當年自己改個西人名Marco，實情源自當年荷蘭神鋒雲巴士頓(Marco Van Basten)。荷蘭同意大利從來都代表住兩套南轅北轍嘅足球哲學，甚至可以用「全能足球」VS「十字聯防」去概括。

到今天意大利以進攻足球稱霸歐洲，以往人才輩出嘅後衞幾近絕種；相反，荷蘭近年嘅前鋒得啖笑，反而出咗世一後衞華基爾雲迪積克打防反。說明了有乜人腳就打乜嘢最實際，否則就如西班牙Tiki-Taka都演繹到Anti-football咁。

今屆荷蘭跟○六年意大利相似，前中後各一重心大將，非常清晰，迪比、法蘭基迪莊、雲迪積克等同當年王子托迪、派路、簡拿華路；其餘綠葉盡力配合，非常簡約務實。教練雲加爾嘲笑記者唔識足球，呢種簡單嘅戰術足球，其實係將有限的質素最有效化嘅藝術。另一邊，阿根廷即使一路改變人腳陣容，亦只係換湯不換藥，美斯係足球界嘅Bug啫，都未必救到世，雙方防守都有問題，推介「入球2.5大」，期待一場互有攻守的賽事。　—馬高

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。