世界杯2022｜专家分析:狭路相逢“王”者胜

世界杯八强赛事今日正式开始，笔者趁呢两日空档叉足电后继续追埋佢。荷兰今届的晋级过程并未受到太大考验，分组赛有三支出线队伍都喺三战七分晋级，荷兰就是其中之一。去到十六强战胜美国嘅比赛，先见到荷兰队的整体有明显改进，阵中主力法兰基迪庄及迪比，虽然喺球会出场机会唔多，但嚟到国家队之后表现就一场比一场好，领队云加尔对此居功不小，而球队喺佢嘅带领下一改以往华丽球风变成稳阵平实嘅踢法，亦系橙衣军团进步嘅关键。

阿根廷嘅情况其实同荷兰有啲类似，整体表现都系比较慢热之余，同样球风比较稳阵平实，跟同为南美球队嘅巴西比较，就更加见到当中分别。另外喺度我都想赞下佢哋领队史卡朗尼用人果断，并无迷信拿达路马天尼斯及柏利迪斯等名牌球员，喺球队需要改变时改用阿历斯麦亚里士打及祖利安艾华利斯后迅速得到成效，呢方面同已出局嘅比利时更系一个天一个地。

两队系状态同实力都好接近嘅队伍，过去五场对赛嘅成绩亦恰恰系两胜一和，笔者认为胜负将会变成两队“王牌”之间嘅对决，系呢方面坐拥美斯嘅阿根廷似乎更胜一筹。　—球乐

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。