独家丨Jeffrey讲废话惊讶德斌识笑相逢恨晚 《胶战》铁粉Asha合作完冇晒幻想

Jeffrey（魏浚笙）和Asha（徐㴓乔）在新剧《百万同居计划》首度合作，剧中Jeffrey狂追Asha，见亲面都会示爱，相当痴缠。本是《胶战》铁粉的Asha承认跟Jeffrey合作后冇晒幻想，仲大爆现实中的男方“情倾”黄德斌，眼中“德斌No.1”的24岁Jeffrey坦认跟59岁的黄前辈相逢恨晚，因为后者竟然听得明自己嘅无聊废话，更唔怕肉麻讲到出口识到德斌是拍《百》剧最大收获，呢对相差35年的“废话友谊”爆笑又有爱！采访：杜杜 摄影：Stanley 服装:MAX&Co.(Asha)、 CHANEL(Jeffrey)

31岁的Asha跟24岁的Jeffrey，完全冇违和感。 ​

 

Asha跟Jeffrey合作后，粉丝心态完全消失。

 

 

Jeffrey对于不停追求Asha唔成功，搞笑话好想喊。

 

Asha本身好迷《胶战》，可惜接触偶像Jeffrey后完全改观，“都想知‘煨Sir’（Jeffrey在节目中的花名 ）平时系点呢？接触后我同阿娟嘅反应都系唔接触会好啲，哈哈！识咗佢后𠮶种有趣，佢想大家都开心嘅氛围，都会对佢加分。”至于Jeffrey点睇Asha？答案非常Jeffrey，“我对Asha嘅认识佢系个外国人，点知佢真系一个外国人，佢讲中文同英文都十分之流利，十分之厉害，估唔到佢中文咁好，咬字咁正，所以very good。”

 

剧中Jeffrey狂追Asha，每次见面都惯性跟对方示爱。

 

剧中Jeffrey跟AL争Asha，大搞三角恋。

 

Asha跟AL继《大叔的爱》再合作，演情侣拍亲密戏会怕丑。

 

Jeffrey教AL跳舞好开心

Asha和Jeffrey觉得一班人在大宅开工好玩，而有份演出、娟姐的爱犬“乌冬”，亦是另一个开心果，牠跟Jeffrey有不少对手戏，演技更令Jeffrey甘拜下风，“乌冬系忧郁型，哈哈！我真系未见过咁乖嘅狗，佢真系唔吠，好定，行路施施然，好似成个世界得我，未见过咁cute嘅狗狗。”Asha更爆乌冬是唯一有替身的演员，Jeffrey解释，“𠮶幕戏佢要吠，哎吔佢吠唔到，就有只假乌冬，𠮶只系肥版嚟，好涨。”

Jeffrey跟娟姐爱犬“乌冬”有不少对手戏，大赞牠超乖。

 

讲到难忘场口，Jeffrey又有分享，“大家都知我喺《胶战》裹面系跳舞担当，去到《百》剧就做跳舞老师，有场我教阿Lo（卢瀚霆）跳舞，真系讲起都开心，阿Lo都乞人憎，我教完后佢话，‘喂，你头先好似唔系咁做㗎㖞，你做多次嚟睇吓’，我跳一次佢好似已经识晒，屈机，跟住佢点返我转头，跳过舞真系唔同啲，真系好劲。”

Jeffrey跟AL剧中虽然是情敌，但又好老友。

 

Jeffrey叫前辈做德斌兄

睇到呢度大家都feel到Jeffrey真系好多嘢讲，之前德斌和娟姐接受《头条日报》访问已讲过，原来Jeffrey自己都知，“有时都会遇到啲人觉得我烦，所以平衡要取得好啲，但有时控制唔到，我系𠮶啲0到100，一烦就好Q烦，但可以完全唔讲嘢，当大家话‘你好烦’，我就收埋唔开心一阵。”Asha称Jeffrey觉得演得唔好时最静，他说：“自己收一收皮先，唔好畀外来因素影响自己，做好自己嘅嘢先再嘈。”

Jeffrey跟德斌在剧中，对手戏不算太多。

 

娟姐访问时爆Jeffrey同德斌有特殊关系，两人极冤气，原来Jeffrey最初面对德斌时都惊，但在大宅拍咗几日便开始熟络，“好似我讲埋啲好无聊嘢，feel到佢又识笑㖞！应该系同一类人，哈哈！冇反应真系唔敢埋身㗎！”他再讲冧掂德斌方法，“我个人不嬲都好直，前辈当然要尊重，但系前辈都系人，都要做朋友，大家个距离先可以拉近，当然我同德斌兄系咁啱夹到啦！真系开心！”

 

Asha望住Jeffrey不停发表对德斌“爱的宣言”，冇晒意见。

 

《百》剧日前举行记者会，Jeffrey都跟德斌黐到实。

 

Jeffrey等德斌70岁再挑战

Jeffrey拍《I SWIM》已经用拗手瓜同人混熟，今次都不例外，早前他在记者会已经提过，挑战德斌做引体上升输了，他做到15次，而德斌做到20次，“我玩先，佢睇住我个数嚟打，哈哈！真系高手，我最近同佢食糖水，我话‘等你70岁再玩，哈哈！随住你嘅年龄我就会战胜你’。”原来他私底下亦有约德斌踩自行车，更无所不谈，前辈亦会给他不少意见，“佢经验丰富嘛！佢会话‘你可以试吓点做囉！’，带我去唔同角度谂吓。”

Jeffrey拍剧最钟意揾人拗手瓜，原来除了阿Jer仲有德斌。

 

Asha认为Jeffrey同德斌夹，因两人都是金牛座。Jeffrey都认同识到德斌是拍《百》剧最大收获，“感恩，讲起都开心！”Asha笑他，“德斌No.1呀！”Jeffrey更恨同德斌再合作，“做爷孙，哈哈！做老窦啦！”Asha提议不如做阿哥，他竟然话：“做阿哥佢抆啲，哈哈！做老窦都OK，佢现实中都有啲老窦feel，好钟意讲道理。”

Jeffrey和德斌合作拍广告，片中反而是Jeffrey演德斌爷爷。

 

Jeffrey视德斌为努力目标，希望年纪大都跟对方一样有型。

 

Asha曾担心鬼妹仔外形影响演出机会，幸好现在剧接剧。

 

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。