陳奕迅演唱會前夕推新歌MV 裸體冧黑漿 吊威也半空自動後空翻搞到腦充血

陳奕迅（Eason）《Fear and Dreams》 演唱會將於周五 （9日）在紅館開鑼，在演唱會舉行前夕，Eason推出新歌《人啊人》的MV，今次MV找來金像獎新晉導演陳健朗執導，林家謙作曲，周耀輝填詞，李榮浩編曲，陳健朗今次用了大量CG及試驗性的特技，開場用了一個白色山丘沙漠的荒無畫面，突擊進入心臟世界，而這個荒無山丘，正是陳奕迅的裸體，陳健朗說：「畫面係想表達一個人瀕死期間嘅經歷，有部份研究表示，人死後仲可以有時間回顧一下整個世界，所以我哋大膽幻想，當你離開肉身成為另一種存在時，用第三身睇人生又係啲乜嘢？」

【點擊睇陳奕迅MV】：

在演唱會舉行前夕，Eason推出新歌《人啊人》MV。

 

今次有不少新嘗試。

 

Eason好少有咁動作嘅舞蹈。

 

又需與大班舞者跳舞。

 

今次MV 用了近二十小時拍攝，由早上九點拍到凌晨近三點才收工。

 

單是吊威也，一吊就吊了三個鐘，搞到Eason話有啲「腦充血」見暈。

 

今次MV找來金像獎新晉導演陳健朗執導。

 

ason發覺原來吊威都是辛苦的一件事：「始終我冇受過訓練，核心肌群Core Muscle唔夠力，好多動作，都係靠核心肌群發力，所以我成日喺半空中就自動後空翻，hold唔到好耐。」

 

好彩今次班武指都係以前喺拍戲、演唱會合作過晒：「佢哋好好，不停教我應該點做，最終都拍到導演收貨要嘅鏡頭。」

 

睇落又幾好玩！

 

Eason亦有很多新嘗試。

 

Eason又話覺得自己變咗條鱷魚：「因為黑漿流咗入眼晴，好似有層霧咁，不過都幾好玩，我睇相個效果都震憾。」

 

係好震撼！

 

整個人淋滿黑漿。

 

Eason話：：「淋落嚟嘅係類似芝麻糊混合小朋友玩嗰種口水膠質嘅嘢，導演話食得嘅，因為一淋咗就冇晒妝頭，所以呢部份放到半夜先拍，淋咗一共四、五次，剩係覺得凍。」，

 

造型有別過往。

 

Eason話信晒導演。

 

 

Eason話收到林家謙 demo，已經非常喜歡呢首歌。

 

日前公佈演唱會有啲乜嘢精品。

 

蠟燭台

 

襟章

 

袋

 

旅行收納袋。

 

貼紙

 

衫

 

Eason話開騷前夕，已經減少外出。

 

演唱會即將開鑼，Eason表示早已排練一段日子：「我提早咗排舞，想練多啲，當做埋運動囉，臨近演唱會少啲出街囉，見到演唱會大家咁支持，啲飛賣得咁好，都有壓力㗎，演唱會始終係一件好大嘅事，有時我都會驚一驚，驚自己唔知做得好唔好，每當喺呢啲時刻，個天就會派人嚟鼓勵我，例如身邊朋友，或者係街上面，都有好多鼓勵，行過撞到就會有人同我打招呼，然後話：『你啲飛好難買呀！加油呀！』」真係好溫暖，多謝大家咁錫我，我會加油做好每一場。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。