李泳豪怒轟李泳漢爆料叫哥哥收聲 兄弟正式決裂：唔需要聯絡

李家鼎前妻、李泳豪及李泳漢母親施明，前日（5日）傳出在家中不慎跌倒撞傷頭部，上周五入院治療後情況嚴重，目前已完成開腦手術，更要留醫深切治療部。李泳豪之後被爆在施明出事後，仍與新婚太太Agnes滿臉笑容出席活動，引來網民批評。李泳豪近日接受無綫娛樂新聞台訪問，澄清是早已答應出席師傅的活動，更嬲爆明示是哥哥李泳漢爆料，令謠言滿天飛。

【相關閱讀】：施明意外留醫ICU 李泳豪如常出活動捱轟後回應：想掩飾媽咪件事

【點擊睇李泳豪嬲爆叫哥哥收聲】：

李泳豪接受娛樂新聞台訪問，提起哥哥李泳漢即刻嬲爆，明示暗示是對方放料，更叫他「唔好再講咁多」。

李泳豪亦澄清新媽太太與媽媽施明並無不和！

李泳豪今年10月迎娶從事寵物美容的台灣太太Agnes。

《愛．回家》一班演員都有到賀。

再新升老爺的李家鼎，全程笑到見牙唔見眼。

再新升老爺的李家鼎，全程笑到見牙唔見眼。

李泳豪太太與施明一直關係良好，賢良淑德的Agnes早已𠱁掂老爺奶奶。

李泳豪太太與施明一直關係良好，賢良淑德的Agnes早已𠱁掂老爺奶奶。

李泳豪前日在IG貼出與太太笑容滿面出席活動的照片，引來網民抨擊。

李泳豪前日在IG貼出與太太笑容滿面出席活動的照片，引來網民抨擊。

他解釋自己是藝人，而且活動是師傅舉辦，早已答應出席；而他笑臉迎人是因為不想令人留意到家中出現問題。

他解釋自己是藝人，而且活動是師傅舉辦，早已答應出席；而他笑臉迎人是因為不想令人留意到家中出現問題。

李泳豪與媽媽施明關係一直都好好，他透露目前媽媽情況不算好，也不算壞。

李泳豪與媽媽施明關係一直都好好，他透露目前媽媽情況不算好，也不算壞。

李家鼎與施明1977年結婚，誕下李泳漢與李泳豪，不過在1994年離婚收場。

李泳豪與李泳漢跟媽媽施明，三人過往關係非常好。

李泳豪與李泳漢還有合資開餐廳，進軍飲食業。

李泳豪明示是哥哥李泳漢爆料，令媽媽施明入院一事曝光。

李泳豪接受訪問時，透露媽媽施明目前情況不算好，也不算壞：「最危險嘅時候已經過咗，而家唔可以探病，每日要經過電話同醫生溝通。而家暫時所有指數都係OK，醫生都話係咪好好呢？唔係，係咪好差呢？亦都唔係，都要繼續觀察。」之後李泳豪嬲爆明示是哥哥李泳漢爆料，令媽媽施明入院一事曝光：「因為都係佢老人家嘅私隱，我同鼎爺都係話家事唔會講嘅，但有人就講咗出嚟，之後就謠言滿天飛，所以我而家都想叫有啲人唔好再講，你令到件事差咗。」

被問到有否與哥哥聯絡，李泳豪直說：「我唔需要同佢聯絡，佢亦都冇同我聯絡，我只能叫佢唔好講咁多嘢。」至於是否哥哥放料，他說：「我相信觀眾明就會明㗎喇，其他人都知咩事，淨係想講，佢唔好再講咁多嘢。」提到他與新婚太太最近笑容滿面出活動，李泳豪解釋：「第一，我係一個藝人，嗰個係我師傅嘅活動，我應承咗好耐話會出席，同埋我唔會帶情緒參加人哋活動。第二，我只係想普普通通，表現正常，其他人唔會留意到我屋企有事。」

至於日前被指施明嫌他的新婚年紀太大，令母子關係決裂，他亦澄清說：「不嬲都冇嘢，由第一日開始都冇。點解我會選擇而家開口呢？其實我結婚嗰陣已經好多是非，嗰時我都唔想講，只想盡快settle就算。今次我點解講呢？如果去到媽咪咁多件事都拎嚟講，咁就唔得㗎喇。」似是暗示之前他傳與媽媽關係決裂，亦是由李泳漢放料。