Juicy叮｜搵工搵到頹見同學有家底日日輕鬆 大專生呻：身家出身決定未來？

疫情下本港經濟大受影響，尋找工作亦不容易。有就讀大學四年級的港男在網上發文，指「依家搵工搵到成個人頹晒，見到啲本身有家底嘅同學日日好輕鬆」，不禁無奈地詢問「身家出身真係已經決定未來？」

該名港男在Dcard討論區發文，指自己今年就讀大學四年級並即將畢業，並指自己是公屋出身，「屋企無人有讀過書」，因此一直靠自己入讀大學以及替人補習以賺取生活費。他指，希望可以出人頭地，所以一直辛苦地兼顧freelance工作及大學gpa，而且在暑假亦曾在ibank進行實習。

他又指，「依家搵工搵到成個人頹晒，見到啲本身有家底嘅同學日日好輕鬆，仲可以讀個master慢慢等市場復甦」，亦看到有人因為自己背景好，有較多聯繫及秘訣可在較高級的銀行工作。他指，自己已經用盡所有可行方法，奈何仍然未能成功，在現實生活中亦找不到可以提供協助的人，「因為喺師兄眼中，你無利用價值，喺同年人眼中，你係競爭對手，而低年級過你嘅人更加唔會想理解，因為你講呢啲野係破壞緊佢哋對搵工嘅憧憬。」

相關帖文隨即引起熱議，不少人亦認同家境是重要因素，並指「人越大越發現家境好重要，冇家境讀完書都係做有錢人嘅下屬，冇家境想成功都可以，但成功例子唔多」、「你有嘅soft skill家境好嘅人都有，但家境好嘅人背後嘅勢力你冇」、「因為努力係唔值錢的，比你努力嘅人好多，更恐怖嘅係比你家境好又努力又聰明嘅人仲多」、「不能同意更多」、「其實我覺得家境好嘅人讀書都有優勢，因為個底子已經喺細個嘅時候打得好好」等。另有部分人則安慰樓主繼續努力，並指「雖然自己公屋出身，但只要自己唔好睇低自己，盡量放大自己強項。唔識就虛心學習。去同叻過自己嘅人處事。雖然過程點都會痛苦，但自然會累積一堆對日後有用嘅軟硬實力」、「知足常樂啦，下下都要搵錢發大達咩，貪字得個貧呀」等。

帖文來源：Dcard討論區

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。