世界杯2022｜专栏:荷阿大战先谂半场和

日本喺十六强同克罗地亚要踢到十二码分胜负，最后南野拓实、三笘薰同吉田麻也射失，克罗地亚出线。《足球小将》嘅热血故事未能延续落去，当然相当可惜。不过，日本由领先1:0之后，森保一嘅打法仍然偏向保守，到互射十二码嘅时候，亦睇到“东洋武士”似乎无乜练过十二码，准备完全唔足。早前有消息指森保一会获续约，如果“一哥”继续执教日本队，“东洋武士”几难更上一层楼。

艾尔今年睇好嘅荷兰，喺八强对阿根廷，上演前届世界杯嘅四强翻版战。荷兰上场对美国，完全睇到云加尔嘅领军经验，睇到对方两闸位置比较松散，充分利用杜费斯同白兰特嘅能力，为荷兰奠定胜局。艾尔觉得荷兰今届球员实力比前届好啲，打法亦比之前实际。加普今届表现光芒四射，迪比状态及时回勇，对球队进攻非常重要，希望呢队“橙衫军团”可以弥补云加尔嘅遗憾啦！

“潘柏斯雄鹰”阿根廷上仗赢澳洲2:1，早段都踢到应有嘅水准，但下半场尾段有啲松散，唔系后防嘅两位“马天尼斯”，阿根廷未必咁轻松晋级。所以，艾尔希望利辛度马天尼斯可以继续打正选，佢嘅稳定程度远比基斯甸罗美路好，对阿根廷后防好重要。另外，正选摆阿历斯麦亚里士打同安素费南迪斯嘅效果都唔错，尤其后者喺中场串连非常关键，希望领队史卡朗尼唔好喺关键时刻转人转阵。

今场估计阿根廷控球比率较高，荷兰揾机会打反击，相信会系一场几胶着嘅比赛。两边领队相信唔敢轻举妄动，艾尔先推介半场和，再考虑全场入球大细“2.5”细。　—艾尔

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。