世界盃2022｜專欄:世盃哪隊超額完成？

經過精采緊湊嘅十六強比賽，世界盃開始進入白熱化階段。呢幾日除咗球員要休息回氣之外，都畀一路追波睇嘅球迷們放鬆下繃緊嘅神經。

如果回顧一下暫時咁多隊嘅表現，最扣人心弦嘅隊伍非日本隊莫屬。藍武士喺分組賽先後擊敗德國同埋西班牙以首名身分出綫，而對住德國嘅奇迹入球更成為一時佳話，可惜最後對克羅地亞喺互射十二碼後黯然出局。

另一隊亞洲隊伍南韓隊同樣表現出色，首場分組賽只能與烏拉圭握手言和，然後對加納更以2:3見負，兩戰得一分。惟在絕望時，卻於最後一場分組賽的補時階段以2:1反勝葡萄牙普級，過程可謂驚險萬分！雖然南韓隊最終在十六強負於強隊巴西行人止步，但表現確實已屬超額完成。

而阿根廷先喺第一場分組賽就爆大冷輸畀沙特阿拉伯，慘遭滑鐵盧，喺對波蘭最後一場分組賽更有美斯射失十二碼，好在下半場憑阿歷斯麥亞里士打及祖利安艾華利斯各入一球奠定晉級資格。

既然有球隊交出令人喜出望外嘅表現，當然亦有演出令人失望嘅隊伍，明日沒有賽事，到時再同大家講下筆者覺得不似預期部分。  - 球樂

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。