獨家丨鄭浩南「家變」同老婆冇嘢講:都搵唔到佢 期待同舊愛柏安妮囡囡合演父女

58歲鄭浩南(Mark)婚後定居馬來西亞多年,主力搞生意,為家庭減少拍電影,但今年突然活躍連拍三套戲,聽他在煞科宴自爆20年婚姻出現危機,馬來西亞籍老婆鮑愛玲(Elyn)跟一對仔女突然「消失」,終於師傅明白了。他接受《頭條日報》獨家訪問承認目前跟家人聯絡要靠律師傳話,但一切會向前看,開心見到香港電影愈來愈有質素,或會定居香港多拍戲,更笑指得知舊愛柏安妮囡囡許恩怡入行,期望在戲中合演父女。採訪:杜杜 攝影:Stanley

Mark哥選擇在尖沙咀接受訪問,因為他在該區長大所以特別有親切感。
Mark哥選擇在尖沙咀接受訪問,因為他在該區長大所以特別有親切感。

 

Mark哥早前出席有份主演的電影《壹獄II 劫數難逃》煞科宴時,自爆在內地工作16個月後返回馬來西亞卻人去樓空,已聯絡不到太太Elyn及一對子女,又暗示太太有出軌之嫌。之後他又上載58歲生日的自拍片,大呻「家變」孤單慶生的無奈,「我覺得真係冇咩值得慶祝,因為我喺嚿年(2021年)已經知道自己乜嘢都冇晒,包括我個女同我個仔。」但又表示有好多好朋友、父母及兄弟支持,所以不會放棄。

9月中,Mark哥出席有份主演的電影《壹獄II 劫數難逃》煞科宴時,自爆婚姻出現問題。
9月中,Mark哥出席有份主演的電影《壹獄II 劫數難逃》煞科宴時,自爆婚姻出現問題。

 

10月6日58歲正日生日的Mark哥,上載自拍片賀自己生日。
10月6日58歲正日生日的Mark哥,上載自拍片賀自己生日。

 

為湊女寧願放棄拍電影

99年,Mark哥認識了剛由外國讀完書返馬來西亞發展的Elyn,決定淡出電影圈,「馬來西亞老前輩話,介紹女仔畀我識,後尾仲做埋我太太𠻹!嗰時啱啱香港電影有少少停滯不前,出嚟嘅質素好參差,馬來西亞同香港都好近,於是我將香港所有嘢都賣晒,去咗馬來西亞做生意。」為了愛情Mark哥放棄香港一切,兩年後他為了首個女兒,更全面停工湊女,「頭一年我乜都唔做,日日對住個女,睇住佢嘅成長過程,電影或者工作方面就放低咗。」

2002年Mark哥跟馬來西亞籍的Elyn結婚後,2004年及2012年分別誕下長女喜文(Jade)及細仔理文(Jacob)。
2002年Mark哥跟馬來西亞籍的Elyn結婚後,2004年及2012年分別誕下長女喜文(Jade)及細仔理文(Jacob)。

 

Mark哥婚後定居馬來西亞,主力經營食肆生意。
Mark哥婚後定居馬來西亞,主力經營食肆生意。

 

留內地每日跟家人聯絡

近年Mark哥轉到內地發展,曾搞過進口汽車及冬甩生意,亦會間中做商演,「佢哋好熱衷、好響往香港藝人,有啲咩開張就搵香港藝人嚟,全世界都冇人願意使呢啲錢,但佢哋好願意,佢哋好大方,疫情期間我過咗去,你肯做日日都有人搵你,但我都係做啲熟朋友嘅嘢。」

因疫情Mark哥逗留內地16個月,當時每日都會跟身在馬來西亞的家人聯絡,「一日差不多十幾個電話,幾個video call咁樣,同我個仔、個女,我老婆呀,全部一路都有。」但他估不到一夜間會「家變」,「我全部生意都喺馬來西亞,但一吓就冇晒。」問到跟太太Elyn現在情況,他不欲多提,只無奈話:「大家都唔使講咁多嘢,根本都講唔到嘢,冇咩需要講,就你用你律師我用我律師,靠律師溝通,我係搵唔到佢,全部嘢cut晒,都唔好再講,作為資深演員唔會拎呢啲嘢做宣傳,過去嘢就過咗去,唔好望後面,望前面啦,望鏡頭。」現在對愛情的看法,Mark哥只求順其自然,更告誡年輕人要考慮清楚才結婚生仔,「我同自己講我唔會變,但係造物弄人,好多嘢未必自己決定到,好多嘢唔係你自己守得住就得。」

Mark哥為了看着女兒成長,放棄了香港的演出機會。
Mark哥為了看着女兒成長,放棄了香港的演出機會。

 

訪問當日,Mark哥手上仍戴有結婚戒指。
訪問當日,Mark哥手上仍戴有結婚戒指。

 

讚後輩個個聽教聽話

積極向前的Mark哥,返港大半年keep住「望鏡頭」拍了三部電影,他開心香港電影再現生機,「2022年對我嚟講係唔開心嘅,但亦都好開心見到香港電影翻生,係值得鼓勵,以往荷里活先做到嘅特技,香港已經融合到晒。」Mark哥更大讚新一輩藝人,好似剛在電影《拼命三郎》中合作的林家熙 (Locker)、應智越(細貓),特別是戲中演他兒子的細貓,「佢唱歌真係幾好聽喎!但係我同佢溝通唔到,我識日文佢識韓文,哈哈!佢幾好,我唔係特登讚香港啲新仔,佢哋都聽教聽話聽講,有禮貌,尊師重道,我見過好多新仔,未見過一個新仔唔得。」

 

Mark哥今年返港連拍三套戲,其中有跟陶大宇合作的《紮職3》。
Mark哥今年返港連拍三套戲,其中有跟陶大宇合作的《紮職3》。

 

在電影《拼命三郎》,Mark哥跟老拍檔譚耀文再鬥演技。
在電影《拼命三郎》,Mark哥跟老拍檔譚耀文再鬥演技。

 

Mark哥在電影《拼命三郎》,跟後輩Locker和細貓合作。
Mark哥在電影《拼命三郎》,跟後輩Locker和細貓合作。

 

 

講到舊愛柏安妮(Ann)囡囡許恩怡(Natalie)已入行,原來Mark哥早已收到風Natalie有演技又識打,仲話想合作,「同佢合作,佢個女做我個女,哈哈!」原來他跟柏安妮曾在飯局碰面,一直保持聯絡,「今日佢先打電話畀我,佢咁啱去咗馬來西亞睇佢阿媽,阿Ann個媽媽同我好好,今日生日96歲,佢仲同我講『阿Mark你真係冇變,你睇我老到呢』,佢仲好精神同健康。」

Mark哥跟柏安妮因合作電影而認識,曾相戀四年。
Mark哥跟柏安妮因合作電影而認識,曾相戀四年。

 

柏安妮(前右二)囡囡許恩怡(前左二)已簽約Kim(前左一)旗下,成為梁洛施(前右一)師妹。
柏安妮(前右二)囡囡許恩怡(前左二)已簽約Kim(前左一)旗下,成為梁洛施(前右一)師妹。

 

近60歲的Mark哥keep得好fit,因每日維持早上跑步及健身。
近60歲的Mark哥keep得好fit,因每日維持早上跑步及健身。

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

87年亞姐冠軍邱月清性感不再!首位拍三級片亞姐 《三度誘惑》濕身戲曾成熱話

MIRROR十二子齊現身《12怪盜》首映禮 Anson Lo Edan預告將跑過百場謝票

12怪盜丨Anson Lo鍾意被叫「撈撈豬」Frankie動作戲親身上陣踢爛牆

前TVB男星索妻舖頭遭盗竊! IG罕有發火怒罵不足半日因一事突刪Po

都市網新聞