世界盃2022｜專欄:一巴掌摑醒狂牛

經過分組賽最後一輪的峰迴路轉，十六強的過程和賽果，暫時都太「正路」，其實唔係賽事唔精采，荷蘭、法國、英國、美斯隊都交足功課，入球都靚而水平高。然而睇完呢幾場的感覺，還是有點若有所失。今日的口淡淡、Dry Dry哋，只因昨夜的瘋狂，高潮過後，總係有點虛虛哋，空虛又或腎虛。

其中最令人瘋狂嘅或許就是西班牙被日本反勝，令日本人絕望中見到曙光，同時讓德國人痛嚐最苦澀的勝利。說西班牙陷害德國就過分咗，但呢場比賽西班牙係有七分輕敵、三分心不在弦。總括嚟講，絕對係畀到呢班球員一下及時的警號，「原來一個不小心，日本都可以擊敗我哋」。

各支歐洲一線球隊的表現已間接證明了西班牙的能力，非洲冠軍的塞內加爾面對英格蘭有明確的差距。水準相若的摩洛哥係有?啲韌，但近仗嘅入球都帶點幸運成分，不易偷雞了。今次心水當然係西班牙「-1」的上盤，加多少「同場過關」半場1:1及全場1:2。  -馬高

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。