喬寶寶再做爺爺添孫女 勒令兩年抱兩新抱暫時封肚：我屙屎都冇時間

喬寶寶嘅大仔「印度豹」係孝順仔，知道爸爸定居蘇格蘭過住半退休生活最恨係抱孫，所以同老婆啟動「造人」大計，去年8月30日，喬寶寶新抱順產誕下7磅重兒子Khalson (喬孫孫)，喬孫孫𠵱家16個月大，正牙牙學語，超級可愛，喬寶寶每日湊孫仔超過10小時都唔嫌攰，十分Enjoy。

喬寶寶細孫女喺12月3日出生，喬寶寶及喬嫂嫂開心到不得了。

大孫仔喺去年8月30日出世。

爸爸定居蘇格蘭過住半退休生活最恨係抱孫。

上月喬寶寶新抱腹大便便現身喬媽媽80大壽祝壽活動。

喬家四代同堂好熱鬧。

孫女改名喬愛美

喬寶寶今日再報喜，新抱仔喺當地時間12月3日再成功追多個女，為喬家湊夠個「好」字！寶寶開心到不得了說：「我送祝福畀佢哋，夠㗎啦！我仲幫佢改名為Aria，中文名係喬愛美，配襯返Funny GILL family。」當問到會否要求兒媳再生B時？他竟落令叫新抱仔暫時封肚，大笑說：「最快要隔一個生肖(12年)先好再生B呀，因為『印度豹』兩年抱兩，佢經已冇得畀我唞，我連屙屎都冇時間，𠵱家有個好字咪算囉，夠喇！哈...」而初生孫女喬愛美輪廓激似哥哥喬孫孫，如同餅印一樣，好精靈。

喬寶寶將回港做店長搵真銀。

4年前大仔「印度豹」與印度籍醫師太太Manjit結婚。

寶寶湊孫唔會嫌攰。

寶寶每日湊孫超過10小時。

孫孫今年8月底1歲生日。