王菀之開騷餅印父母high爆全場 Serrini自認聲大大擔心嚇驚拍擋

王菀之 （Ivana）與梁嘉茵（Serrini）一連四場《 Ivana x Serrini Fairy Nice To Meet You Live 2022》於昨晚完滿結束，除了圈中好友捧場外，Serrini的父母及Ivana的父母及老公也有現身，完騷後Ivana在社交平台po片，看見她的父母在台下表現勁high，王爸爸超活潑地跳舞，王媽媽當然拍下整個過程，自己都忍唔住跳埋一份，結果「拍片拍到地動天搖」，認真搞笑！

相關閱讀：王菀之開騷 唱多過講 Serrini「拉頭馬」：講咩都得

【點擊睇Ivana一家四口餅印樣】：

王菀之 （Ivana）與梁嘉茵(Serrini)一連四場《 Ivana x Serrini Fairy Nice To Meet You Live 2022》於昨晚完滿結束。

Serrini叫大家要：「watch my mouth」！

Serrini話多謝Ivana畀機會自己：「佢令我變番好溫柔，平時大家覺得我講嘢大聲又嘈，其實係錯，溫柔先係我嘅真我！」，

Serrini仲話：「我其實諗過唔好講咁多無聊嘢，因為驚壞咗Ivana藝術性，而一開始個幾首歌，我同佢兩個都冇行埋一齊唱，係因為我著到唱K小魚仙咁，行過去似襲擊露營人士，所以我哋分開，你咪以為我哋不和。」」

專心用歌聲震攝人心的Ivana，唱完《The Pink Song》先開金口，引來歌迷歡呼無限。

Ivana表示從 Serrini身上學會了說話的勇氣：「好開心今次同Serrini 合作，作為一個創作人，能同人分享到自己作品，係一件好幸福事，每個人都有自己嘅故事，生活面對不同嘅困難同挑戰，希望我嘅音樂作品可以喺大家憂傷時，減輕大家嘅痛苦，係大家開心時，又可以有一啲歌係聽咗之後更開心。」

Ivana及 Serrini異口同聲表示合作得十分愉快。

對於外間大讚這個騷是年度最佳之作，兩人當然開心，Ivana說： 「合作咩時侯都可以，再玩就可能係其他新嘢。係咪年度最佳真係唔敢講，要睇好多騷先知。」

問到兩人有什麼難忘，Ivana坦言，因為幾年冇做過咁大個音樂會，所以都係喺戰戰競競之中，好俾心機訓練自己狀態，噚晚最難忘係出咗少少意外，我呢個露營人士個帳幕唱唱吓打唔開，好彩Dancer夠專業，我一路跳，佢哋一路幫我搞番好。」

Serrini自爆條裙亦曾經出事：「我食咗多少少燒味飯，拉唔到拉鍊，哈哈。所以樂手要不停咁奏咗五分鐘音樂幫我頂住。」

演出大受好評。

王爸爸的瘋狂跳舞影片，原來是Ivana媽咪拍。

好HIGH喎

早前更為一圓父母的心願，Ivana自資籌辦五場《天使聲樂團古典音樂會》。

成個餅印！

一家四口十足十餅印。

至於王爸爸的瘋狂跳舞影片，Ivana表示是媽咪拍的「自己收到時都好感動，好開心見到爸爸活潑投入嘅一面，好多謝媽咪紀錄低畀我睇。」Serrini搞笑地說：「我父母呢，係同人唔同，哈哈，佢哋喺我未唱完已經走先，話唔想咁逼人，都唔似Ivana親人咁，個個入晒嚟影相。」

Ivana和父母感情非常好，對上還有一個哥哥，一家四口十足十餅印，一看就知是一家人！王爸爸以前是豪宅物業管理層，王媽媽退休前在衞生署當護士長，兩個都是業餘聲樂高手，在家中開班教唱歌，所以Ivana從小已經在家中聽古典音樂和歌劇，四歲習琴，八歲已考到八級。早前更為一圓父母的心願，Ivana自資籌辦五場《天使聲樂團古典音樂會》。