Juicy叮|呻父母管教嚴致無朋友 港男壓力爆煲:每晚都流眼淚

父母難免會擔心自己的子女學壞,因此在管教上可能會較嚴厲。有18歲的港男則在網上發文,大呻家人管教太嚴厲,導致自己沒有朋友,加上面對失學失業,「我就快崩潰,每晚都流眼淚」。

該名港男在香港討論區以「忍左十八年,我就快崩潰,每晚都流眼淚」為題發文,指自己自幼與公公、婆婆、父母及弟弟同住,家中的思想較傳統,而且管教嚴厲。他提到在小時候由於家人擔人他會被人拐走,所以不允許他獨自到街上,但父母要上班,因此平日甚少帶他到遊樂場玩耍。他續指,家人在他小時候甚少看電視,因此當身邊的小學同學亦在談論動漫時,由於自己從未觀看過,因此與其他人沒有可以談論的話題。

他又提到,家人一直強逼他讀書,而自己既不懂得踢足球或打籃球,亦不懂得樂器,加上沒有才華,所以在升讀中學後仍然沒有朋友。他指,「我個樣又醜,生得又矮,又同人冇話題,又冇才華,所以根本就冇朋友。 我知道呢啲係同父母有關,但我冇怪過佢哋,亦冇提及過,因為我唔想佢哋傷心。」

直到他15至16歲時,他開始上網並因為一個興趣而認識到一大群人,並開始與他們相約見面。然而,由於其母親及婆婆擔心他「識壞人」,經常反對他外出並會「問長問短」,「問我去邊,問有幾多人去,問有咩人去」。即使他間中可以外出聚會,母親亦會要求他相隔一段時間即聯絡她一次,並要求他在晚上11時半前回家。他又指,自己「Group project永遠都最後先入唔夠人嘅組,為咗唔想畀人知我冇朋友而入廁格食飯盒,你又試過未?」他又提到,去年應考公開試,但成績考欠佳,導致現時失學失業,並指「每次屋企人問我做咩唔約朋友,點解冇咩朋友,我個心都好難受。」

他續指,即使現時已18歲,但家人管教仍然嚴厲,例如「明明我覺得好熱,阿婆仲逼我著羽絨」、「明明我覺得好飽,同咗阿婆講煮少啲飯,佢仲煮好多飯,每次我都食唔晒,我自己都覺得好折墮」、「每次我同人傾電話,屋企人一定問長問短,煩到我都怕晒,所以我都好少再同人傾電話/ 約人出街」等。他指,自己目前一個朋友也沒有,「又雙失,又冇才華,我就快崩潰,每晚都流眼淚」,並直言感到很大壓力,並指「我知你哋出發點係好,但唔好再當我係小朋友,唔好再控制我,得唔得?」

相關帖文隨即引起熱議,有人同情他的遭遇,並留言鼓勵指「人這一生,開心也是過,傷心也要過。向前看,不要回頭望,願你有一個美好的明天」、「大個仔條路自己行」等。有人建議「離家自立吧」、「首先第一步,試下搵份兼職做下,擴闊自己的生活圈子先,順便識下朋友仔!到時壓力自然就會減半」、「其實以你公開試嘅情況,屋企管得你嚴係合理。你有冇諗過點樣令佢哋相信你既決定,擺脫管束但又唔會學壞或者中伏」、「盡快經濟獨立搬走,人生下半場先有運行」、「積極啲去搵工搵返份嘢做,冇錢想做乜嘢都唔得」等。

有人則認為他自己亦有責任,並指「我覺得你唔識反抗啫」、「自己咁X廢就怪屋企人管住,返學識唔到fd都賴屋企」、「樓主本身有問題,家人同樣有問題」、「由頭到尾,你只怨天尤人,請你檢討吓自己」等。不過,亦有人質疑這篇帖文的真實性,並留言指「零分重作」、「老作」等,更有人指出內容與2015年的一則帖文內容甚為相似,質疑樓主「抄帖」。

帖文來源:香港討論區

 

 

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

醫管局普通科門診診所周末加強服務 繼續預留每日2000診症名額予新冠確診病人

國際海關節昨日舉行 何珮珊:醒獅匯演寓意薪火相傳生生不息│Kelly Online

你好香港│政府向旅客送機票兼派消費優惠券 移居德國港人:希望外國朋友認識香港最靚嘅一面

九龍城碼頭男子墮海 昏迷送院搶救

都市網新聞