世界盃2022|專欄:巴西要出線 尼馬好關鍵

噚日講完日本對克羅地亞,今日講埋南韓對巴西。「太極虎」上屆世界盃喺分組賽最後一戰對德國,最後靠一個反擊入波令德國出局。今屆世界盃同樣靠一個反擊入波,唔單止令自己出線,更加將烏拉圭打入地獄。足球嘅嘢,有時真係咁奇妙。

南韓上場再次展示非一般嘅後勁同鬥志,就連狀態一般嘅孫興民都交出非常靚嘅助攻,睇到艾爾拍爛手掌。只不過喺場葡萄牙上半場同下半場嘅表現,完全係兩個樣嚟。下半場全隊唔係好壓逼對手,組織攻勢嘅速度都好慢,換人方面亦愈換愈弱,似乎有啲留力。當然,C朗上場繼續正選,但係埋門連環失機,想爭神射手極唔容易。

巴西上場對喀麥隆同樣出咗唔少副選,就咁睇實力依然幾強。不過,埋門把握力麻麻,連番攻門都過唔到對手門將嘅十指關,更加俾對方一次反擊得手。艾爾完全感受到巴西嗰種留力,可惜加比爾捷西斯傷出,兼無辦法繼續世界盃之旅,令巴西前線進攻少個選擇。

「森巴軍團」今仗關鍵係尼馬能唔能夠復出。艾爾唔係話雲尼斯奧斯祖利亞、洛迪高高斯、加比爾馬天尼利呢啲球員能力唔好,但尼馬的確有種能力,可以扯散對手防線,造就隊友入楔攻門。巴西之前對防守密集嘅瑞士,未領先之前都踢得幾老鼠拉龜。所以,尼馬如果能夠及時復出,會對巴西進攻有好大幫助。

南韓對上一次贏巴西係九九年嘅國際賽,近三仗入十球失一球,睇落完全無得打。不過今年經常有爆冷賽果,南韓全隊士氣亦非常高昂,希望孫興民能夠再度挺身而出。艾爾情感上撐南韓,投注上就諗諗買半場和。  -艾爾

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

英超|卡尼成熱刺隊史第1射手 抱恙干地即致電恭喜

西甲|巴塞再贏一場領先皇馬8分 歷史顯示贏硬冠軍

英超|曼城發表聲明回應 歡迎獨立委員會調查

英超|曼城財政醜聞 博彩公司估計哥迪奧拿跳船

都市網新聞