世界杯2022｜专栏:防反唔怕旧 最紧要受

今届世界杯有三队亚洲球队杀入十六强，算系近届比较罕见嘅情况。睇番日本、韩国同澳洲晋级过程，并唔系打啲好华丽嘅足球。

日本可以杀低西、德两国，控球比率超低，但防守反击奏效。对哥斯达黎加要做主攻嘅一方，就踢得老鼠拉龟。韩国补时热血反胜葡萄牙，入波都系靠反击，加上对手下半场踢得散漫，赢波系有啲幸运成分。睇番“太极虎”对加纳一仗，下半场占尽控球同进攻优势，结果仍然输波。澳洲两场小胜突尼斯同丹麦，又系靠防守反击。“袋鼠兵”遇着攻力极强嘅法国，结果就被大炒一场。换言之，呢三支亚洲球队赛果上睇落可同欧洲强队抗衡，但过程上仍有好多位可以做好啲，包括要主攻嘅时候，点样拎到士哥。

只不过，随着愈嚟愈多亚洲球员外流，不断适应体力化、高位逼抢嘅打法，比较容易跟得上欧洲球队嘅节奏，系今届大幅进步嘅其中一个原因。以前日本队球员好多都系嚟自本地联赛，但近两届面目全非，表现亦截然不同。所谓取长补短，如果愈嚟愈多亚洲球员可以去欧洲揾食，艾尔相信亚洲足球系可以跟上欧洲足球嘅水平。

“东洋武士”将会面对上届亚军克罗地亚。森保一相信会继续摆三笘薰喺后备，但“桥唔怕旧，最紧要受”，今场仍然先稳守后反击。克罗地亚嘅中场莫迪历状态保持得唔错，但前线把握力则有待改善，后防亦唔算太稳阵，今场面对日本嘅突击，都唔系咁易顶得住。

艾尔今场赛前不作投注推介，并估计下半场会比较多入波，走地见到有入球大细“1.5”大有比较高?赔率先再考虑。 艾尔

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。